📢 តើលោកអ្នកបានយល់ដឹងអំពីសារៈសំខាន់នៃ “អភិបាលកិច្ចសាជីវកម្ម” សម្រាប់ក្រុមហ៊ុនចុះបញ្ជីលក់មូលបត្រហើយឬនៅ?

ដើម្បីទទួលបានចំណេះដឹងដ៏មានតម្លៃអំពីគោលការណ៍អភិបាលកិច្ច ក្របខណ្ឌបទប្បញ្ញត្តិ និងតម្រូវការអនុលោមភាពដែលអនុវត្តចំពោះក្រុមហ៊ុនចុះបញ្ជីលក់មូលបត្រ សូមចុះឈ្មោះឥឡូវនេះ ដើម្បីចូលរួមសិក្ខាសាលាអនឡាញស្តីពី “អភិបាលកិច្ចសាជីវកម្ម” ដែលនឹងធ្វើបទបង្ហាញដោយ លោកស្រី ប៉ុន ពេជ្រនារី ប្រធានការិយាល័យអភិបាលកិច្ចសាជីវកម្ម នៃនិយ័តករមូលបត្រកម្ពុជា។

📅 កាលបរិច្ឆេទ៖ ថ្ងៃសុក្រ ទី២៦ ខែមិថុនា ឆ្នាំ២០២៦

⏰ វេលាម៉ោង៖ ៩:៣០ ព្រឹក – ១១:០០ ព្រឹក

💻 ទីតាំង៖ ប្រព័ន្ធអនឡាញ (Zoom Meeting)

🎓 CPD៖ ១.៥ ម៉ោង

🔗 ចុះឈ្មោះ៖ https://shorturl.at/qCW5B

គោលបំណងនៃសិក្ខាសាលានេះ៖

·      យល់ដឹងអំពីសារៈសំខាន់នៃអភិបាលកិច្ចសាជីវកម្មសម្រាប់បុគ្គលចុះបញ្ជីលក់មូលបត្រ

·      ស្វែងយល់អំពីតួនាទី និងការទទួលខុសត្រូវរបស់ក្រុមប្រឹក្សាភិបាល  គណៈគ្រប់គ្រង ភាគហ៊ុនិក និងសវនករ

·      ស្វែងយល់អំពីតម្រូវការបទប្បញ្ញត្តិ និងការអនុលោមតាមច្បាប់ ដែលអនុវត្តចំពោះក្រុមហ៊ុនចុះបញ្ជីលក់មូលបត្រ

សិក្ខាសាលាអនឡាញនេះ រៀបចំឡើងសម្រាប់សមាជិក វ.គ.ស.ក., សមាជិកក្រុមប្រឹក្សាភិបាល និងនាយកក្រុមហ៊ុនចុះបញ្ជីលក់មូលបត្រ, គណៈគ្រប់គ្រង និងអ្នកដឹកនាំអង្គភាព, ភាគហ៊ុនិក និងវិនិយោគិន,សវនករ គណនេយ្យករ និងអ្នកជំនាញផ្នែកអនុលោមច្បាប់, សិស្សនិស្សិត និងសាធារណជនដែលមានចំណាប់អារម្មណ៍លើអភិបាលកិច្ចសាជីវកម្ម និងបទប្បញ្ញត្តិពាក់ព័ន្ធ។

📝 សម្គាល់៖

·      សិក្ខាសាលាអនឡាញនេះនឹងប្រព្រឹត្តឡើងជាភាសាខ្មែរ និងមានការបកប្រែជាភាសាអង់គ្លេស។

• សមាជិក វ.គ.ស.ក. ដែលចូលរួមពេញលេញ និងបំពេញទម្រង់ស្ទង់មតិនឹងទទួលបាន CPD ១.៥ម៉ោង និងវិញ្ញាបនបត្រអេឡិចត្រូនិចដោយឥតគិតថ្លៃ
• លោកអ្នកមិនមែនសមាជិក វ.គ.ស.ក. ដែលចូលរួមពេញលេញអាចស្នើសំុវិញ្ញាបនបត្រអេឡិចត្រូនិចបានដោយមានតម្លៃ ៤២,០០០ រៀល ក្នុងមួយច្បាប់។