អភិវឌ្ឍសមត្ថភាព និងលើកកម្ពស់គុណតម្លៃសមាជិក
សមាជិកភាព វ.គ.ស.ក.
ប្រភេទនៃសមាជិក
ហេតុអ្វីត្រូវក្លាយជាសមាជិក វ.គ.ស.ក.?
- ជាសមាជិក វ.គ.ស.ក. អ្នកអាចស្នើសុំអាជ្ញាប័ណ្ណប្រកបវិជ្ជាជីវៈគណនេយ្យនិងសវនកម្ម ពីនិយ័តករគណនេយ្យនិងសវនកម្ម (ន.គ.ស.)
- មានការទទួលស្គាល់ដោយក្រសួងសេដ្ឋកិច្ចនិងហិរញ្ញវត្ថុ និងនិយ័តករគណនេយ្យ និងសវនកម្ម
- មានកម្មវិធីអភិវឌ្ឍវិជ្ជាជីវៈបន្ត (CPD)
- ទទួលបានការបញ្ចុះតម្លៃលើការចូលរួមក្នុងសិក្ខាសាលា វគ្គបណ្តុះបណ្តាល និងកម្មវិធីផ្សេង ទៀតដែលរៀបចំដោយ វ.គ.ស.ក.
- ទទួលបានបច្ចុប្បន្នកម្មនៃបញ្ហាប្រឈមនានា ដើម្បីពង្រឹងអង្គភាពរបស់អ្នកឱ្យកាន់តែប្រសើរ ឡើងនាពេលអនាគត
- ពង្រីកនិងពង្រឹងនូវទំនាក់ទំនងជាមួយសមាជិកផ្សេងៗ និយ័តករសំខាន់ៗ និងភាគីពាក់ព័ន្ធនានា
- អ្នកនឹងទទួលបានព័ត៌មានថ្មីៗស្តីពីការកែសម្រួលបទប្បញ្ញត្តិ និងបញ្ហាបច្ចេកទេសនានា ដែល ប៉ះពាល់ដល់កាតព្វកិច្ចផ្នែកច្បាប់ អនុលោមភាព និងស្តង់ដានានាតាមរយៈការចែករំលែក អត្ថបទ វីដេអូ និងរបាយការណ៍សកម្មភាពប្រចាំឆ្នាំរបស់ វ.គ.ស.ក. ជាដើម
- អតិរេកដែលបានមកពីវិភាគទាន (ថ្លៃសមាជិកភាព)នឹងត្រូវបានប្រើប្រាស់ជាប្រយោជន៍សង្គម និងគាំទ្រដល់វគ្គបណ្តុះបណ្តាលនានាដើម្បីការអភិវឌ្ឍនៃវិជ្ជាជីវៈគណនេយ្យនិងសវនកម្ម នៅកម្ពុជា
ដំណើរការនៃការស្នើសុំ សមាជិកភាព
ការសាកសួរព័ត៌មាន
ទាក់ទងមកមន្រ្តីផ្នែកសមាជិកភាព ឬ ចូលទៅកាន់គេហទំព័រ (www.kicpaa.org) ដើម្បីទទួលបានព័ត៌មាន និងពាក្យស្នើសុំ
ការដាក់ពាក្យ
បំពេញនិងដាក់ពាក្យស្នើសុំដោយភ្ជាប់ជាមួយ ឯកសារតម្រូវនានា មកកាន់ ការិយាល័យ វ.គ.ស.ក.
ការបង់ថ្លៃដាក់ពាក្យ
ក្នុងរយៈពេល ១០ ថ្ងៃនៃថ្ងៃធ្វើការ មន្ត្រី វ.គ.ស.ក. នឹងផ្តល់ព័ត៌មានជូនបេក្ខជនវិញ ហើយ វ.គ.ស.ក. តម្រូវឱ្យអ្នកបង់ថ្លៃពាក្យស្នើសុំសមាជិកភាព។
ការផ្ទៀងផ្ទាត់ព័ត៌មាន
វ.គ.ស.ក. ត្រូវការរយៈពេលប្រមាណ ១ ខែ ឬច្រើនជាងនេះ ដើម្បីធ្វើការផ្ទៀងផ្ទាត់ព័ត៌មាន។
ការប្រកាសលទ្ធផល
បន្ទាប់ពីការផ្ទៀងផ្ទាត់ត្រូវបានបញ្ចប់ ពាក្យស្នើសុំរបស់អ្នកនឹងត្រូវបានវាយតម្លៃដោយគណៈកម្មការចុះឈ្មោះ និងសមាជិកភាព ហើយលទ្ធផលផ្លូវការនឹងត្រូវបានផ្ញើជូនអ្នកតាមរយៈអ៊ីមែល។
ចំណាំ៖
ប្រសិនបើអ្នកមានចម្ងល់អំពីដំណើរការចុះឈ្មោះ ឬឯកសារដែលត្រូវការ សូមធ្វើការទាក់ទងមកកាន់មន្រ្តីសមាជិកភាព KICPAA ដែលតែងតែស្វាគមន៍ក្នុងការប្រឹក្សាជាមួយអ្នកជានិច្ច។
H/P: 023 23 17 07 | ទូរស័ព្ទ៖ 077 24 17 07 | អ៊ីមែល៖ membership@kicpaa.org
