គោលបំណងនៃឯកសារនេះគឺដើម្បីណែនាំ៖

• រចនាសម្ព័ន្ធគុណវុឌ្ឍិកម្រិតខ្ពស់ និងបង្ហាញពីមាតិកានៃកម្មវិធីសិក្សាកម្រិតខ្ពស់
• ផែនទីបណ្ដុះបណ្ដាលជំនាញអ្នកបច្ចេកទេសគណនេយ្យ និង
• ផ្ដល់ព័ត៌មានលម្អិតអំពីវឌ្ឍនភាពក្នុងគុណវុឌ្ឍិគណនេយ្យដែលបានស្នើឡើង និងចំពោះគុណវុឌ្ឍិវិជ្ជាជីវៈនៃ វ.គ.ស.ក. ។

ឯកសារនេះបង្ហាញពីគោលបំណង វត្ថុបំណង និងលទ្ធផលសិក្សានៃកម្មវិធីអ្នកបច្ចេកទេសគណនេយ្យ (ATQ) របស់កម្ពុជា ។ ឯកសារនេះផ្តល់ព័ត៌មានលម្អិតអំពីលទ្ធផលសិក្សាដែលត្រូវការ និងកម្មវិធីសិក្សាដែលពាក់ព័ន្ធ។

អ្នកប្រឡងចប់កម្មវិធីបច្ចេកទេសគណនេយ្យ ( ATQ) នឹងត្រូវបានទទួលស្គាល់ជា គណនេយ្យករវិជ្ជាជីវៈកម្រិតបច្ចេកទេស (Certified Accounting Technician) ដោយ វ.គ.ស.ក.។

ATQs មានគុណលក្ខណៈដូចខាងក្រោម៖

កម្មវិធីសិក្សា និងតេស្តៈ

• ស្របតាមស្តង់ដាអន្តរជាតិ
• រួមបញ្ចូលពន្ធ ច្បាប់ និងតម្រូវការអាជីវកម្ម
• ផ្តល់កម្រិតសិក្សា – ពីកម្រិតដំបូងដល់កម្រិតខ្ពស់ – ដើម្បីសម្រួលដល់ដំណើរការសិក្សា
• លាយបញ្ចូលគ្នានូវបទពិសោធន៍ជាក់ស្តែង និងការប្រឡង

លទ្ធផល៖

• ជាគុណវុឌ្ឍិដែលមានការទទួលស្គាល់
• ចូលជាសមាជិកភាពនៃស្ថាប័នគណនេយ្យ
• ជាផ្លូវទៅកាន់គុណវុឌ្ឍិវិជ្ជាជីវៈ

កម្មវិធីសិក្សាដែលបានចងក្រងឡើង មានគោលបំណងគាំទ្រដល់ការអភិវឌ្ឍអ្នកបច្ចេកទេសអាជីវកម្មដែលមានសមត្ថភាពក្នុងការរួមចំណែកដល់ការគ្រប់គ្រងអាជីវកម្ម។ វាបង្កើនតម្លៃដែលអាចឱ្យអ្នកដែលមានលក្ខណៈសម្បត្តិគ្រប់គ្រាន់ក្នុងការបំពេញសកម្មភាពជាប្រយោជន៍សាធារណៈ និងដើម្បីបង្ហាញពីសមត្ថភាព ចំណេះដឹង និងជំនាញវាយតម្លៃ របស់គណនេយ្យករកម្រិតបច្ចេកទេស។

កម្មវិធីសិក្សានេះគឺស័ក្តិសមសម្រាប់និស្សិតដែលកំពុងធ្វើការ ឬកំពុងស្វែងរកការងារនៅក្នុងវិស័យសាធារណៈ ឬឯកជន និងក្នុងវិស័យធុរកិច្ច និងពាណិជ្ជកម្ម។

គុណវុឌ្ឍិនេះស្របទៅតាម៖

• ក្របខណ្ឌគុណវុឌ្ឍិកម្ពុជា (២០១២)
• ស្តង់ដាអន្តរជាតិសម្រាប់ការចាត់ថ្នាក់ការអប់រំរបស់អង្គការយូណេស្កូ (២០១១)
• គុណវុឌ្ឍិអ្នកបច្ចេកទេសរបស់ស្ថាប័នអន្តរជាតិ (CAPA ២០១៨)
• ការណែនាំរបស់ IFAC ក្នុងការអភិវឌ្ឍគុណវុឌ្ឍិអ្នកបច្ចេកទេស (ឆ្នាំ ២០១៩)

កម្មវិធីសិក្សានេះអាចប្រៀបធៀបបានជាមួយនឹងកម្មវិធីសិក្សាស្របតាមស្តង់ដាទំនើបដែលត្រូវបានប្រើប្រាស់ដោយវិទ្យាស្ថានឈានមុខគេនានានៅទូទាំងពិភពលោក ហើយអាចឆ្លុះបញ្ចាំងពីលក្ខណៈសំខាន់ៗផ្សេងៗដែលត្រូវបានរៀបចំឡើងដើម្បីបំពេញតម្រូវការអាជីវកម្ម និងវិស័យសាធារណៈរបស់កម្ពុជា។