នៅថ្ងៃព្រហស្បតិ៍ ទី១៣ ខែវិចិ្ឆកា ឆ្នាំ២០២៤ ចាប់ពីម៉ោង ៩:០០ ព្រឹក ដល់ ១១:០០ ព្រឹក វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) សហការជាមួយនិយ័តករគណនេយ្យ និងសវនកម្ម (ន.គ.ស.) បានរៀបចំសិក្ខាសាលាផ្សព្វផ្សាយស្តីពី “សមាជិកភាពរបស់ វ.គ.ស.ក និងការស្នើសុំអាជ្ញាបណ្ណពី ន.គ.ស” តាមរយះអនឡាញ។ សិក្ខាសាលានេះ ប្រព្រឹត្តទៅក្រោមអធិបតីភាព លោកស្រី សាវុធ ដាលី នាយកប្រតិបត្តិ នៃ វ.គ.ស.ក. ដោយមានការចូលរួមធ្វើបទបង្ហាញពីវាគ្មិនកិត្តិយស កញ្ញា កឹង កែវពិសី មន្រ្តីសមាជិកភាព និងទំនាក់ទំនង នៃ វ.គ.ស.ក. និងលោក ស៊ុន ស៊ឹម ប្រធានការិយាល័យអាជ្ញាបណ្ណ នៃ ន.គ.ស.។ សិក្ខាសាលានេះត្រូវបានរៀបចំឡើងក្នុងគោលបំណងណែនាំអំពីសមាជិក វ.គ.ស.ក. ជាពិសេសកាយល់ដឹងបន្ថែមពាក់ព័ន្ធនឹងការស្នើរសុំអាជ្ញាបណ្ណពី ន.គ.ស។

ជាលទ្ធផលសិក្ខាសាលានេះបានប្រព្រឹត្តទៅដោយជោគជ័យ និងទទួលបានការចាប់អារម្មណ៍ខ្ពស់ពីសំណាក់អ្នកចូលរួមចំនួន ១៩១ នាក់។