លោកស្រី Marilyn Ngu គឺជាតំណាងប្រចាំតំបន់អាស៊ីប៉ាស៊ីហ្វិក នៃGlobal Quality Risk Committee (QRC) របស់ក្រុមហ៊ុនភីខេអេហ្វ។ លោកស្រីបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ផ្នែកសេដ្ឋកិច្ចនយោបាយ (វិទ្យាសាស្ត្រសង្គម) ពីសាកលវិទ្យាល័យ Glasgow នៃចក្រភពអង់គ្លេស។
លោកស្រី ជាសមាជិកជាន់ខ្ពស់ (Fellow Member) នៃសមាគមគណនេយ្យករជំនាញ(ACCA) ក៏ជាសមាជិកគណនេយ្យករជំនាញ (Chartered Accountant) នៃវិទ្យាស្ថានគណនេយ្យករម៉ាឡេស៊ី (MIA) និងជាសមាជិកនៃវិទ្យាស្ថានគណនេយ្យករជំនាញ និងសវនករកម្ពុជា (KICPAA)។
លោកស្រីមានបទពិសោធន៍យ៉ាងទូលំទូលាយទាំងក្នុងការអនុវត្តវិជ្ជាជីវៈ និងឧស្សាហកម្មព្រមទាំងបានបម្រើការងារជាមួយបណ្តាញក្រុមហ៊ុនគណនេយ្យអន្តរជាតិមួយក្នុងប្រទេសម៉ាឡេស៊ី និងបានធ្វើជាគណនេយ្យករសម្រាប់ក្រុមហ៊ុនចុះបញ្ជីជាសាធារណៈផងដែរ។ លើសពីនេះ លោកស្រីបានពង្រីកវិសាលភាពជំនាញវិជ្ជាជីវៈរបស់ខ្លួនមកកាន់ប្រទេសកម្ពុជា ដែលជាកន្លែងដែលលោកស្រីបានដឹកនាំ និងចូលរួមក្នុងកិច្ចការងារសវនកម្មជាច្រើន។
ឆ្លងកាត់ការបំពេញការងារក្នុងអាជីពនេះ លោក Marilyn បានទទួលបន្ទុកលើកិច្ចការងារសវនកម្ម និងការរៀបចំរបាយការណ៍ហិរញ្ញវត្ថុសម្រាប់ក្រុមហ៊ុនចុះបញ្ជីជាសាធារណៈ ព្រមទាំងសហគ្រាសធុនតូច និងមធ្យម មកពីបណ្តាវិស័យផ្សេងៗយ៉ាងទូលំទូលាយ រួមមាន វិស័យកម្មន្តសាល ពាណិជ្ជកម្ម សំណង់ ភស្តុភារកម្ម ឧស្សាហកម្មឈើ និងវិស័យសេវាកម្មផ្សេងៗទៀត។

លោកស្រី Puvaneswary Naidu Nyahnan គឺជាប្រធានផ្នែកសវនកម្ម នៅក្រុមហ៊ុន ភីខេអេហ្វ ម៉ាឡេស៊ី។ លោកស្រី ជាសមាជិកជាន់ខ្ពស់ (Fellow Member) នៃសមាគមគណនេយ្យករជំនាញ និងជាសមាជិកនៃគណនេយ្យករជំនាញ (Chartered Accountant) នៃវិទ្យាស្ថានគណនេយ្យករម៉ាឡេស៊ី (MIA)។
លោកស្រីបានចាប់ផ្តើមអាជីពការងារនៅក្នុងក្រុមហ៊ុនខ្នាតមធ្យមមួយនៅក្នុងឆ្នាំ ២០១០ និងមានបទពិសោធន៍យ៉ាងទូលំទូលាយនៅតាមបណ្តាវិស័យផ្សេងៗ រួមមាន វិស័យសំណង់ ការអភិវឌ្ឍន៍អចលនទ្រព្យ វិស័យទេសចរណ៍ វិស័យកម្មន្តសាល ពាណិជ្ជកម្ម ក្រុមហ៊ុនវិនិយោគ remittance, and e-wallet services។
លោកស្រីមានបទពិសោធន៍វិជ្ជាជីវៈជាង ១៣ ឆ្នាំក្នុងការទទួលបន្ទុកលើកិច្ចការងារសវនកម្មសម្រាប់ក្រុមហ៊ុនចុះបញ្ជីជាសាធារណៈ និងក្រុមហ៊ុនឯកជនទទួលខុសត្រូវមានកម្រិត។