លោក Dawin Tang គឺជាមេធាវីនៃក្រុមប្រឹក្សាមេធាវីម៉ាឡេស៊ី និងជាគណនេយ្យករជំនាញដែលបានចុះបញ្ជីជាមួយវិទ្យាស្ថានគណនេយ្យករម៉ាឡេស៊ី (MIA)។ លោកក៏ជាសមាជិកនៃ CPA Australiaនិងជាសមាជិកនៃវិទ្យាស្ថានគណនេយ្យករជំនាញ និងសវនករកម្ពុជា (KICPAA) ផងដែរ។

លោកមានបទពិសោធន៍យ៉ាងទូលំទូលាយក្នុងវិជ្ជាជីវៈច្បាប់ កោសល្យវិច័យ ការស្តារអាជីវកម្មឡើងវិញ និងសេវាកម្មប្រឹក្សាហិរញ្ញវត្ថុសាជីវកម្មដែលបានបម្រើដល់អតិថិជនរួមមាន សាជីវកម្មពហុជាតិ ក្រុមហ៊ុនចុះបញ្ជីជាសាធារណៈ និងអាជីវកម្មគ្រប់គ្រងដោយម្ចាស់ផ្ទាល់ក្នុងវិស័យធនាគារ ពាណិជ្ជកម្ម ផលិតកម្ម កសិកម្ម សំណង់ និងការអភិវឌ្ឍអចលនទ្រព្យនៅបណ្តាប្រទេសម៉ាឡេស៊ី សិង្ហបុរី ថៃ វៀតណាម និងកម្ពុជា។

បច្ចុប្បន្ន លោក Dawin បានចូលរួមយ៉ាងសកម្មក្នុងការផ្តល់ប្រឹក្សាដល់អតិថិជនលើគ្រប់ទិដ្ឋភាពនៃការស៊ើបអង្កេត ការគាំទ្រផ្នែកវិវាទ និងការបំពេញភារកិច្ចជាសាក្សីជំនាញ លើសពីនេះទៅទៀតលើកិច្ចការស្តារអាជីវកម្មនិងហិរញ្ញវត្ថុសាជីវកម្មផ្សេងទៀតរួមមាន ការផ្តល់ប្រឹក្សាអំពីការបោះផ្សាយលក់មូលបត្រជាសាធារណៈលើកដំបូង mergers and acquisition ការកៀរគរមូលនិធិ ការវាយតម្លៃអាជីវកម្ម និងការត្រួតពិនិត្យផ្ទៀងផ្ទាត់ ការរៀបចំរចនាសម្ព័ន្ធសាជីវកម្មឡើងវិញ (ផែនការរៀបចំ និងការគ្រប់គ្រងតាមផ្លូវតុលាការ) ការគ្រប់គ្រងទ្រព្យសម្បត្តិដោយ អាណាព្យាបាល និងការរំលាយក្រុមហ៊ុន។

លោកបានបញ្ចប់បរិញ្ញាបត្រពាណិជ្ជកម្ម ផ្នែកគណនេយ្យ និងហិរញ្ញវត្ថុ និងបរិញ្ញាបត្រច្បាប់ពីសាកលវិទ្យាល័យWestern Australia។ លើសពីនេះ លោកគឺជាអ្នករំលាយក្រុមហ៊ុនដែលទទួលបានការអនុម័តនៅក្រោមច្បាប់ក្រុមហ៊ុនម៉ាឡេស៊ីឆ្នាំ ២០១៦ (Malaysian Companies Act 2016) និងមានអាជ្ញាបណ្ណតំណាងសេវាកម្មទីផ្សារមូលធនសម្រាប់ការផ្តល់ប្រឹក្សាលើហិរញ្ញវត្ថុសាជីវកម្មដែលចេញដោយគណៈកម្មការមូលបត្រម៉ាឡេស៊ី។