📢 បទប្បញ្ញត្តិនានាសម្រាប់ក្រុមហ៊ុនសវនកម្មបន្តមានការវិវត្តជាបន្តបន្ទាប់។ សូមបន្តតាមដានព័ត៌មាន ដើម្បីរក្សាបាននូវការអនុលោមតាមច្បាប់ និងការទទួលស្គាល់ពីនិយ័តករមូលបត្រកម្ពុជា។

 

សូមអញ្ជើញចុះឈ្មោះចូលរួមសិក្ខាសាលាអនឡាញរបស់ វ.គ.ស.ក ស្តីពី “បច្ចុប្បន្នភាពនៃការផ្តល់ការទទួលស្គាល់ក្រុមហ៊ុនផ្តល់សេវាសវកម្មជាមួយនិយ័តករមូលបត្រកម្ពុជា” ដែលធ្វើបទបង្ហាញដោយ លោក តាន់ ចាន់តារ៉ា អនុប្រធាននាយកដ្ឋានគ្រប់គ្រងការបោះផ្សាយលក់មូលបត្រនៃនិយ័តករមូលបត្រកម្ពុជា ដើម្បីយល់ដឹងពីបច្ចុប្បន្នភាពនៃតម្រូវការចាំបាច់សម្រាប់ក្រុមហ៊ុនដែលកំពុងស្វែងរកការផ្តល់ ឬបន្តផ្តល់សេវាសវនកម្មនៅក្នុងវិស័យមូលបត្រនៅកម្ពុជា។

 

📅 កាលបរិច្ឆេទ៖ ថ្ងៃសុក្រ ទី១៤ ខែសីហា ឆ្នាំ២០២៦

⏰ វេលាម៉ោង៖ ៩:៣០ ព្រឹក – ១១:០០ ព្រឹក

💻 ទីតាំង៖ ប្រព័ន្ធអនឡាញ (Zoom Meeting)

🔗 ចុះឈ្មោះ៖ https://shorturl.at/w66mt

 

គោលបំណងនៃសិក្ខាសាលាអនឡាញ៖

• ស្វែងយល់អំពីក្របខណ្ឌច្បាប់ និងបទប្បញ្ញត្តិដែលគ្រប់គ្រងលើការងារគណនេយ្យ និងសវនកម្មនៅក្នុងទីផ្សារមូលបត្រកម្ពុជា។
• ស្វែងយល់ និងអនុវត្តតាមតម្រូវការនៃការទទួលស្គាល់ក្រុមហ៊ុនសវនកម្ម និងសវនករខាងក្រៅ ដែលស្វែងរកការទទួលស្គាល់ពីនិយ័តករមូលបត្រកម្ពុជា។។
• ពង្រឹងការយល់ដឹងអំពីតួនាទី ការទទួលខុសត្រូវ កាតព្វកិច្ចរបស់សវនករ និងការអនុវត្តជាក់ស្តែងតាមរយៈការសិក្សាលើករណីសិក្សា

 

សិក្ខាសាលាអនឡាញនេះ រៀបចំឡើងសម្រាប់សមាជិក វ.គ.ស.ក., ម្ចាស់ក្រុមហ៊ុន និងនាយកក្រុមហ៊ុន សវនករ និងអ្នកគ្រប់គ្រងសវនកម្ម មន្រ្តីអនុលោមភាព សវនករផ្ទៃក្នុង សិស្សនិស្សិត និងសាធារណជនដែលមានចំណាប់អារម្មណ៍លើបទប្បញ្ញត្តិពាក់ព័ន្ធ។

📝 សម្គាល់៖

• សិក្ខាសាលាអនឡាញនេះនឹងប្រព្រឹត្តឡើងជាភាសាខ្មែរ និងមានការបកប្រែជាភាសាអង់គ្លេស។