📢 ការអនុវត្តសវនកម្មដ៏រឹងមាំគឺជាមូលដ្ឋានគ្រឹះក្នុងការរក្សាទំនុកចិត្តពីសាធារណជន និងធានាការអនុលោមតាមស្តង់ដារវិជ្ជាជីវៈ។ ពង្រឹងជំនាញបច្ចេកទេសរបស់លោកអ្នកតាមរយៈការយល់ដឹងជាក់ស្តែងលើគ្រប់ដំណាក់កាលនៃដំណើរការសវនកម្ម។

ចុះឈ្មោះឥឡូវនេះ ដើម្បីកុំុំឱ្យខកខានឱកាសពង្រឹងគុណភាពសវនកម្មរបស់លោកអ្នកជាមួយសិក្ខាសាលារបស់ វ.គ.ស.ក. ក្រោមប្រធានបទ “សៀវភៅណែនាំអំពីការអនុវត្តការងារសវនកម្ម” ដែលធ្វើបទបង្ហាញដោយ លោក នៅ រ៉េមី នាយកប្រតិបត្តិ នៃក្រុមហ៊ុន  នៅ ​អឌីត អេន​ អ៊ែតវ៉ាយហ្សឺរី​ ឯ.ក ដែលលោកមានបទពិសោធន៍ជាង ២១ ឆ្នាំផ្នែកសវនកម្មនិងប្រឹក្សាយោបល់។ សិក្ខាសាលារយៈពេល ២ថ្ងៃនេះនឹងមានរួមបញ្ជូលជាមួយការណែនាំបច្ចេកទេស ករណីសិក្សា ការពិភាក្សាជាក្រុម ដើម្បីគាំទ្រដល់ការអនុវត្តការងារសវនកម្មប្រកបដោយប្រសិទ្ធភាព។

📅 កាលបរិច្ឆេទ៖ ថ្ងៃអង្គារ និងពុធ ទី១៨-១៩ ខែសីហា ឆ្នាំ២០២៦

🕘 ម៉ោង៖ ៩:០០ ព្រឹក – ៥:០០ ល្ងាច

📍 ទីកន្លែង៖ សណ្ឋាគារហ៊ីម៉ាវ៉ារី

🎓 CPD៖ ១៦ ម៉ោង

🌐 ភាសា៖ អង់គ្លេស

💰 កម្រៃសិក្សា៖

• សមាជិក វ.គ.ស.ក. ៖ ១,០៣៨,០០០ រៀល/ម្នាក់
• មិនមែនសមាជិក វ.គ.ស.ក.៖ ១,២៤៥,០០០ រៀល/ម្នាក់

បញ្ចុះតម្លៃ ៤២,០០០ រៀល រហូតដល់ថ្ងៃសុក្រ ទី៣១ ​ខែកក្កដា ឆ្នាំ២០២៦

🔗 ចុះឈ្មោះនៅទីនេះ៖ https://forms.gle/Y4wfBD3VzNJ2VfdT8

📜 វគ្គសិក្សាលម្អិត៖ https://shorturl.at/nBQwL

គោលបំណងនៃសិក្ខាសាលានេះ៖

•  សេចក្តីផ្តើមស្តីពីសៀវភៅណែនាំអំពីការអនុវត្តការងារសវនកម្ម
•  ស្តង់ដារសវនកម្ម និងការអនុលោម
• ដំណើរការសវនកម្ម (ការធ្វើផែនការ ការអនុវត្តការងារ ការបញ្ចប់សវនកម្ម និងការរាយការណ៍)
• ការគ្រប់គ្រងឯកសារ និងឯកសារការងារសវនកម្ម
• ការគ្រប់គ្រងគុណភាពសវនកម្ម និងការត្រួតពិនិត្យផ្ទៃក្នុង
•  ករណីសិក្សា

សិក្ខាសាលានេះរៀបចំឡើងសម្រាប់៖

•  សមាជិក នៃ វ.គ.ស.ក.
•  បុគ្គលិកផ្នែកសវនកម្ម
• បុគ្គលិកផ្នែកហិរញ្ញវត្ថុ និងគណនេយ្យ
• សវនករផ្ទៃក្នុង
• អ្នកជំនាញដែលពាក់ព័ន្ធនឹងសវនកម្មហិរញ្ញវត្ថុ

ចំណាំ៖

• សិក្ខាសាលានេះនឹងត្រូវធ្វើឡើងជាភាសាអង់គ្លេស។
•  លោកអ្នកនឹងទទួលបានវិញ្ញាបនបត្រដែលមាន CPD ចំនួន ១៦ ម៉ោង បន្ទាប់ពីបានចូលរួមសិក្ខាសាលានេះពេញលេញ។
• អាហារសម្រន់ អាហារថ្ងៃត្រង់ និងសម្ភារៈបណ្តុះបណ្តាលផ្សេងៗនឹងមានផ្តល់ជូន។