Category: ព្រឹត្តិការណ៍

នៅព្រឹកថ្ងៃពុធ ៧រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែកុម្ភៈ គ.ស. ២០២៥ ចាប់ពីម៉ោង ៩:០០ នាទីព្រឹក ដល់ ១១:៣០ នាទីព្រឹក វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) សហការជាមួយ វិទ្យាស្ថានហិរញ្ញវត្ថុ និងគណនេយ្យ រៀបចំសិក្ខាសាលាអនឡាញស្តីពី “និន្នាការបច្ចេកវិទ្យាក្នុងវិស័យហិរញ្ញវត្ថុ និងធុរកិច្ច” ដែលជាផ្នែកមួយនៃកម្មវិធីអភិវឌ្ឍន៍វិជ្ជាជីវ:បន្ត។ កម្មវិធីសិក្ខាសាលាអនឡាញនេះមានការអញ្ជើញចូលរួមពីវាគ្មិនកិត្តិយសលោក ឡុង បរិញ្ញា តំណាងពីវិទ្យាស្ថានហិរញ្ញវត្ថុ និងគណនេយ្យ។ សិក្ខាសាលានេះត្រូវបានធ្វើឡើងប្រកបដោយភាពជោគជ័យ និងទទួលបានការចាប់អារម្មណ៍ពីអ្នកចូលរួមសរុបចំនួន ៣៨០ នាក់។

នៅព្រឹកថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៦ ខែកុម្ភៈ គ.ស. ២០២៥ ពិធីចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង ប៊ីស្សនេសស្គូល អហ្វ អឺខោនធិនស៊ី (ប៊ី.អេស.អេ) ស្តីពីការអភិវឌ្ឍវគ្គបណ្ដុះបណ្ដាល និងការស្រាវជ្រាវរួមគ្នា បានប្រារព្ធឡើងនៅម៉ោង ១០:០០ ព្រឹក នៅបន្ទប់ប្រជុំរបស់ វ.គ.ស.ក.។ កិច្ចសហការនេះគឺជាជំហានដ៏សំខាន់មួយសម្រាប់ការអភិវឌ្ឍវិជ្ជាជីវៈគណនេយ្យនិងសវនកម្មនៅកម្ពុជា តាមរយៈការបណ្ដុះបណ្ដាល និងការស្រាវជ្រាវរួមគ្នា។

នៅព្រឹកថ្ងៃ ព្រហស្បត្តិ៍ ២កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣០ ខែមករា គ.ស. ២០២៥ នៅសណ្ឋាគារភ្នំពេញ លោក គង់ ស៊ិនរ៉ា សមាជិកក្រុមប្រឹក្សាភិបាល នៃវិទ្យាស្ថានគណនេយ្យករជំនាញ​ និងសវនករកម្ពុជា (វ.គ.ស.ក.) និងលោកស្រី សាវុធ ដាលី នាយកប្រតិបត្តិនៃ វ.គ.ស.ក. បានអញ្ជើញចូលរួមក្នុងកិច្ចប្រជុំពិគ្រោះយោបល់ជាសាធារណៈលើ “សេចក្តីព្រាងក្របខណ្ឌកាត់បន្ថយរបាយការណ៍ហិរញ្ញវត្ថុ (Reduced Financial Reporting Framework)” ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម អមដោយ លោកស្រី នាន បូនី អគ្គនាយករងនៃយ័តករគណនេយ្យនិងសវនកម្ម និងមានការចូលរួមពី​​ ថ្នាក់ដឹកនាំ មន្ត្រីជំនាញ លោក លោកស្រី អ្នកនាង កញ្ញា និងភាគីពាក់ព័ន្ធមកពីគ្រប់ស្ថាប័ន។ កិច្ចប្រជុំពិគ្រោះយោបល់ជាសាធារណៈនេះរៀបចំឡើង​ក្នុងគោលបំណងដើម្បីបើកវេទិកាពិភាក្សារវាងភាគីពាក់ព័ន្ធ​​​​ ក្នុងការប្រមូលបាននូវមតិយោបល់ជាធាតុចូលបន្ថែម អនុសាសន៍ និងទទួលយកនូវសំណូមពរផ្សេងៗ ដើម្បីធានាឱ្យសេចក្ដីព្រាងនេះមានភាពពេញលេញ គ្រប់ជ្រុងជ្រោយ មានសង្គតិភាព និងភាពដែលអាចអនុវត្តបាន។

កិច្ចប្រជុំបានបញ្ចប់នៅវេលាម៉ោង ១១និង២០នាទីព្រឹក ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នាល្ងាចថ្ងៃ ពុធ ៩រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២២ ខែមករា គ.ស. ២០២៥ នៅសាកលវិទ្យាល័យបៀលប្រាយ ខេត្តសៀមរាប លោកស្រី សាវុធ ដាលី នាយកប្រតិបត្តិនៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងមន្រ្តីជំនាញនៃ វ.គ.ស.ក. បានអញ្ជើញចូលរួមនឹងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ និងនិស្សិតនៃសាកលវិទ្យាល័យបៀលប្រាយ ខេត្តសៀមរាប ក្រោមអធិបតីភាព លោកស្រី នាន បូនី អគ្គនាយករងនៃនិយ័តករគណនេយ្យនិងសវនកម្ម តំណាងដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និងលោក ឈួន ភារុន នាយកសាខានៃសាកលវិទ្យាល័យបៀលប្រាយ ខេត្តសៀមរាប។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

១.ការកាន់បញ្ញីគណនេយ្យបានត្រឹមត្រូវ

២.ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

៣.ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យអនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលានេះមានការចូលរួមពីថ្នាក់ដឹកនាំ សាស្រ្តាចារ្យ លោកគ្រូ អ្នកគ្រូ មន្រ្តី សិស្សនិងនិស្សិត សរុប១៥០រូប នៅសាកលវិទ្យាល័យបៀលប្រាយ ខេត្តសៀមរាប។

សិក្ខាសាលាបានបញ្ចប់នៅវេលាម៉ោង ៨និង៤០នាទីយប់ ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នៅព្រឹកថ្ងៃ អង្គារ ៨រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២១ ខែមករា គ.ស. ២០២៥ នៅសាកលវិទ្យាល័យបៀលប្រាយ ខេត្តបាត់ដំបង លោកស្រី សាវុធ ដាលី នាយកប្រតិបត្តិ នៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងមន្រ្តីជំនាញនៃ វ.គ.ស.ក. បានអញ្ជើញចូលរួមនឹងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ និងនិស្សិត នៃសាកលវិទ្យាល័យបៀលប្រាយ ខេត្តបាត់ដំបង ក្រោមអធិបតីភាព លោក លី កុសល អនុប្រធាននាយកដ្ឋានទទួលបន្ទុករួម នៃនាយកដ្ឋានកិច្ចការគតិយុត្ត និងអនុលោមភាព តំណាងដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និងលោក គក គីម នាយកសាខា នៃសាកលវិទ្យាល័យបៀលប្រាយ ខេត្តបាត់ដំបង។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

១. ការកាន់បញ្ញីគណនេយ្យឱ្យបានត្រឹមត្រូវ

២. ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

៣. ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យអនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលានេះមានការចូលរួមពីថ្នាក់ដឹកនាំ សាស្រ្តាចារ្យ លោកគ្រូ អ្នកគ្រូ មន្រ្តី សិស្ស និងនិស្សិត សរុប១៥០រូប នៅសាលប្រជុំនៃសាកលវិទ្យាល័យបៀលប្រាយ ខេត្តបាត់ដំបង។

សិក្ខាសាលាបានបញ្ចប់នៅវេលាម៉ោង ១០និង៤០នាទីព្រឹក ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នាល្ងាចថ្ងៃសុក្រ ៤ រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៧ ខែមករា គ.ស.២០២៥ វិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងវិទ្យាស្ថានហិរញ្ញវត្ថុ និងគណនេយ្យ បានរៀបចំវគ្គតម្រង់ទិសស្តីពី “ការត្រៀមខ្លួនប្រឡងកម្មវិធីសិក្សាបច្ចេកទេសគណនេយ្យ (ATQ)” ជូននិស្សិតប្រមាណ៣៥រូប នៅវិទ្យាស្ថានហិរញ្ញវត្ថុ និងគណនេយ្យ។ កម្មវិធីនេះត្រូវបានធ្វើឡើងក្នុងគោលបំណងណែនាំឱ្យនិស្សិតយល់ដឹងពីវិធីសាស្ត្រសិក្សា និងការត្រៀមខ្លួនឱ្យបានល្អសម្រាប់ការប្រឡងកម្មវិធីសិក្សាបច្ចេកទេសគណនេយ្យ (ATQ)។ កម្មវិធីនេះត្រូវបានបញ្ចប់នៅថ្ងៃខែឆ្នាំដដែលប្រកបដោយភាពជោគជ័យនិងផ្លែផ្កាខ្ពស់។

នារសៀលថ្ងៃអាទិត្យ ៦រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែមករា គ.ស.២០២៥ នៅសាកលវិទ្យាល័យអន្តរជាតិ ឌូវី ខេត្តបាត់ដំបង លោកស្រី សាវុធ ដាលី នាយកប្រតិបត្តិនៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងមន្រ្តីជំនាញនៃ វ.គ.ស.ក. បានអញ្ជើញចូលរួមនឹងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ និងនិស្សិតនៃសាកលវិទ្យាល័យអន្តរជាតិ ឌូវី ខេត្តបាត់ដំបង ក្រោមអធិបតីដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម​ និងលោក ខែម រស្មី សាកលវិទ្យាធិការស្តីទី នៃសាកលវិទ្យាល័យអន្តជាតិ ឌូវី ខេត្តបាត់ដំបង។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

១.ការកាន់បញ្ញីគណនេយ្យបានត្រឹមត្រូវ

២.ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

៣.ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យអនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលាមានការចូលរួមពីថ្នាក់ដឹកនាំ សាស្រ្តាចារ្យ លោកគ្រូ អ្នកគ្រូ មន្រ្តី សិស្ស និងនិស្សិត សរុប១៧០រូប នៅសាលប្រជុំនៃសាកលវិទ្យាល័យអន្តរជាតិ ឌូវី ខេត្តបាត់ដំបង។

សិក្ខាសាលាបានបញ្ចប់នៅវេលាម៉ោង៥និង៣០នាទីល្ងាច ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នៅព្រឹកថ្ងៃព្រហស្បតិ៍ ៣រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៦ ខែមករា គ.ស.២០២៥ នៅសាកលវិទ្យាល័យពាណិជ្ជសាស្ត្រ អេសុីលីដា លោក ជា ធួន នាយកផ្នែកអប់រំ នៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) តំណាងលោកស្រី សាវុធ ដាលី នាយកប្រតិបត្តិនៃ វ.គ.ស.ក. រួមទាំងមន្រ្តីជំនាញ​នៃ​ វ.គ.ស.ក. បានអញ្ជើញចូលរួមនឹងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ និងនិស្សិតនៃសាកលវិទ្យាល័យពាណិជ្ជសាស្ត្រ អេសុីលីដា ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និងឯកឧត្តមបណ្ឌិត ផុន សារិន សាកលវិទ្យាធិកា​រ​​នៃសាកលវិទ្យាល័យពាណិជ្ជសាស្ត្រ អេសុីលីដា។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

-ការកាន់បញ្ជីគណនេយ្យឱ្យបានត្រឹមត្រូវ

-ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

-ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យ អនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលានេះមានការចូលរួមពី ថ្នាក់ដឹកនាំ សាស្ត្រាចារ្យ លោកគ្រូ អ្នកគ្រូ មន្ត្រី សិស្ស និងនិស្សិត សរុប ១៧០រូប នៅសាលប្រជុំនៃសាកលវិទ្យាល័យពាណិជ្ជសាស្ត្រ អេសុីលីដា។

សិក្ខាសាលាបានបញ្ចប់នៅវេលាម៉ោង ១១និង១០នាទីព្រឹក ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នៅព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែធ្នូ គ.ស.២០២៤ នៅសាកលវិទ្យាល័យជាតិគ្រប់គ្រង លោកស្រី សាវុធ ដាលី នាយកប្រតិបត្តិនៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងមន្រ្តីជំនាញ​នៃ​ វ.គ.ស.ក. បានអញ្ជើញចូលរួម និងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ និងនិស្សិតនៃសាកលវិទ្យាល័យជាតិគ្រប់គ្រង ក្រោមអធិបតីភាព លោកស្រី នាន បូនី អគ្គនាយករងនៃនិយ័តករគណនេយ្យនិងសវនកម្ម តំណាងដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និង លោកបណ្ឌិត លី សុខហេង សាកលវិទ្យាធិការរងនៃសាកលវិទ្យាល័យជាតិគ្រប់គ្រង តំណាងដ៏ខ្ពង់ខ្ពស់ ឯកឧត្តមសាស្ត្រាចារ្យបណ្ឌិត ហោ​ ប៉េង​ សាកលវិទ្យាធិកា​រ​​ នៃសាកលវិទ្យាល័យជាតិគ្រប់គ្រង។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

-ការកាន់បញ្ជីគណនេយ្យបានត្រឹមត្រូវ

-ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

-ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យ អនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលានេះមានការចូលរួមពី ថ្នាក់ដឹកនាំ សាស្ត្រាចារ្យ លោកគ្រូ អ្នកគ្រូ មន្ត្រី សិស្ស និងនិស្សិត សរុប១៧០រូប នៅសាលប្រជុំនៃសាកលវិទ្យាល័យជាតិគ្រប់គ្រង។

សិក្ខាសាលាបានបញ្ចប់នៅវេលាម៉ោង ១០និង៣០នាទីព្រឹក ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នៅព្រឹកថ្ងៃអង្គារ ១០កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែធ្នូ គ.ស.២០២៤ នៅសាកលវិទ្យាល័យបៀលប្រាយ លោកស្រី​ សាវុធ ដាលី នាយកប្រតិបត្តិនៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងមន្រ្តីជំនាញ​នៃ​ វ.គ.ស.ក. បានអញ្ជើញចូលរួម និងធ្វើបទបង្ហាញក្នុងកម្មវិធីសិក្ខាសាលាផ្សព្វផ្សាយ “ច្បាប់ស្តីពីគណនេយ្យនិងសវនកម្ម និងបទប្បញ្ញត្តិពាក់ព័ន្ធ” ជូនសាស្រ្តាចារ្យ​ និងនិស្សិតនៃសាកលវិទ្យាល័យបៀលប្រាយ ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និង​​ លោក ឌី ដាវុឌ្ឍ សាកលវិទ្យាធិការរងនៃសាកលវិទ្យាល័យបៀលប្រាយ ។

សិក្ខាសាលានេះរៀបចំឡើងដើម្បីបញ្រ្ជាបការយល់ដឹងបន្ថែមនូវការអនុវត្តកាតព្វកិច្ចជាសារវន្តចំនួនបីរួមមាន៖

១.ការកាន់បញ្ជីគណនេយ្យបានត្រឹមត្រូវ

២.ការរៀបចំរបាយការណ៍ហិរញ្ញវត្ថុស្របតាមស្តង់ដាគណនេយ្យ និង

៣.ការដាក់របាយការណ៍ហិរញ្ញវត្ថុឱ្យរងសវនកម្មឯករាជ្យ អនុលោមតាមច្បាប់ស្តីពីគណនេយ្យនិងសវនកម្ម និងបទប្បញ្ញត្តិជាធរមាន។

សិក្ខាសាលានេះមានការចូលរួមពី ថ្នាក់ដឹកនាំ សាស្ត្រាចារ្យ លោកគ្រូ អ្នកគ្រូ មន្ត្រី សិស្ស និងនិស្សិត សរុប ១៥០​រូប​នៅសាលប្រជុំនៃសាកលវិទ្យាល័យបៀលប្រាយ។

សិក្ខាសាលាបានបញ្ចប់នៅវេលាម៉ោង ១២និង០០នាទីរសៀល ប្រកបដោយផ្លែផ្កា និងកិច្ចសហប្រតិបត្តិការខ្ពស់។

នាថ្ងៃសៅរ៍ ៨រោច ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៣ ខែវិច្ឆិកា គ.ស. ២០២៥ នៅទីក្រុងដាវ៉ាវ នាប្រទេសហ្វីលីពីន លោក នៅ រ៉េមី អនុប្រធានក្រុមប្រឹក្សាភិបាលនៃ វ.គ.ស.ក. តំណាងលោក ឃុន ដារិទ្ធ ប្រធានក្រុមប្រឹក្សាភិបាលនៃ វ.គ.ស.ក. និងលោកស្រី សាវុធ ដាលី នាយកប្រតិបត្តិនៃ វ.គ.ស.ក. បានអញ្ជើញចូលរួមកិច្ចប្រជុំក្រុមប្រឹក្សាភិបាលនៃសហព័ន្ធគណនេយ្យករអាស៊ាន លើកទី១៣៩ ដែលរៀបចំដោយវិទ្យាស្ថានគណនេយ្យករជំនាញហ្វីលីពីន (PICPA)។ កិច្ចប្រជុំនេះមានគោលបំណង ពង្រឹងកិច្ចសហប្រតិបត្តិការក្នុងអាស៊ាន និងការលើកកម្ពស់តម្លាភាព គណនេយ្យភាព និងការអភិវឌ្ឍន៍ប្រកបដោយចីរភាពសម្រាប់អនាគតនៃវិជ្ជាជីវៈគណនេយ្យ។

ព្រឹត្តិការណ៍នេះបានផ្តល់នូវវេទិកាដ៏ល្អសម្រាប់កិច្ចពិភាក្សាប្រកបដោយអត្ថន័យជាមួយសមាជិកក្នុងតំបន់ ដែលពេលនោះ វ.គ.ស.ក. ក៏បានចែករំលែកការត្រៀមខ្លួនក្នុងការក្លាយជាសមាជិកពេញសិទ្ធិនៃសហព័ន្ធគណនេយ្យករអន្តរជាតិ (IFAC)និងឆន្ទៈក្នុងការជំរុញវិជ្ជាជីវៈគណនេយ្យនៅកម្ពុជា។ ឆ្លៀតក្នុងឱកាសនោះ លោក នៅ រ៉េមី ក៏បានជួបពិភាក្សាជាមួយ តំណាងACCA និង IFAC ស្តីពីការលើកកម្ពស់សមត្ថភាពរបស់គណនេយ្យជំនាញនៅកម្ពុជា។ កិច្ចពិភាក្សាទាំងនេះក៏បានផ្តោតជាសំខាន់លើការរក្សាគណនេយ្យករជំនាញនាំមុខក្នុងវិស័យនេះ និងការដាក់បញ្ចូលរបាយការណ៍ប្រកបដោយចីរភាពទៅក្នុងការកិច្ចការគណនេយ្យ ដោយផ្តល់សិទ្ធិដល់គណនេយ្យករឱ្យដឹកនាំនិងផ្តួចផ្តើមគំនិតលើការងារបរិស្ថាន សង្គម និងអភិបាលកិច្ច (ESG)។

ក្នុងនាម វ.គ.ស.ក. លោក នៅ រ៉េមី ក៏បានបញ្ជាក់ផងដែរថា កម្ពុជានឹងធ្វើជាម្ចាស់ផ្ទះនៃកិច្ចប្រជុំក្រុមប្រឹក្សាភិបាលនៃសហព័ន្ធគណនេយ្យករអាស៊ាន លើកទី១៤០ និងសន្និសីទថ្នាក់តំបន់នៅខែឧសភា ឆ្នាំ២០២៥។

កិច្ចប្រជុំបានបញ្ចប់ដោយជោគជ័យដោយបានពង្រឹងកិច្ចសហប្រតិបត្តិការ និងជំរុញវិជ្ជាជីវៈគណនេយ្យនៅទូទាំងអាស៊ាន។ វ.គ.ស.ក. សម្តែងនូវអំណរគុណដល់វិទ្យាស្ថានគណនេយ្យករជំនាញហ្វីលីពីន សម្រាប់ការរៀបចំព្រឹត្តិការណ៍ដ៏មានអត្ថន័យនេះ ហើយក៏ទន្ទឹងរង់ចាំស្វាគមន៍ មកកាន់ប្រទេសកម្ពុជាសម្រាប់កិច្ចប្រជុំក្រុមប្រឹក្សាភិបាលនៃសហព័ន្ធគណនេយ្យករអាស៊ានលើកទី ១៤០ និងសន្និសីទថ្នាក់តំបន់ក្នុងខែឧសភា ឆ្នាំ២០២៥។

នៅព្រឹកថ្ងៃសុក្រ ១៤រោច ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៩ ខែវិច្ឆិកា គ.ស. ២០២៥ 

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានរៀបចំកម្មវិធីសិក្ខាសាលាពិគ្រោះយោបល់ ស្តីពី “ផែនទីបង្ហាញផ្លូវនៃការចាប់យកឌីជីថលសម្រាប់សគ្រាសប្រកបវិជ្ជាជីវៈធុនតូចនិងមធ្យម” ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម លោក ឃុន ដារិទ្ធ ប្រធានក្រុមប្រឹក្សាភិបាលនៃ វ.គ.ស.ក. លោកស្រី សាវុធ ដាលី នាយកប្រតិបត្តិនៃ វ.គ.ស.ក. និងមានការសហការចូលរួមជាវាគ្មិនកិត្តិយស លោក ស៊ឹម ចាន់គីរីរ័ត្ន ស្ថាបនិក និងអគ្គនាយកប្រតិបត្តិ នៃក្រុមហ៊ុន Banhji ព្រមទាំង លោក លោកស្រី តំណាងពីក្រុមហ៊ុនគណនេយ្យ និងសវនកម្ម សរុបចំនួន៧៤រូប។

សិក្ខាសាលានេះត្រូវបានធ្វើឡើងក្នុងគោលបំណង៖

១. ដើម្បីផ្សព្វផ្សាយ បញ្ជ្រាបការយល់ដឹង និងការត្រៀមខ្លួន ស្តីពី ការរៀបចំផែនទីបង្ហាញផ្លូវនៃការចាប់យកឌីជីថលសម្រាប់សហគ្រាសប្រកបវិជ្ជាជីវៈធុនតូច និងមធ្យម ដែលជាក្រុមហ៊ុនគណនេយ្យ និងសវនកម្ម

២. ការផ្តល់ធាតុចូលជាមូលដ្ឋានក្នុងការកសាងបាននូវផែនទីបង្ហាញផ្លូវនៃការចាប់យកឌីជីថលរបស់ SMP

៣. លើកទឹកចិត្តអ្នកចូលរួមដើម្បី ចែករំលែកនូវបញ្ហាប្រឈមទាំងអស់គ្នាតាមរយៈការទទួលចាប់យក និងបរិវត្តកម្មឌីជីថល ដើម្បីអាចទទួលបាននូវឧត្តមភាពប្រកួតប្រជែងនៅលើទីផ្សារ

៤. និងជួយបង្កើនប្រសិទ្ធភាពប្រតិបត្តិការវាងអ្នកអនុវត្ត និងស្ថាប័នពាក់ព័ន្ធ ក្នុងការធ្វើបរិវត្តកម្មឌីជីថលឱ្យខានតែបានពីបច្ចុប្បន្នដល់ឆ្នាំ២០៣៥។

សិក្ខាសាលាពិគ្រោះយោបល់នេះត្រូវបានបញ្ចប់នូវវេលាម៉ោង១២និង០០នាទីរសៀលប្រកបដោយផ្លែផ្កានិងសហប្រតិបត្តិការខ្ពស់។

នាព្រឹកថ្ងៃពុធ ១២រោច ខែកត្តិក ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២៧ ខែវិច្ឆិកា គ.ស.២០២៤ លោកស្រី សាវុធ ដាលី នាយកប្រតិបត្តិនៃវិទ្យាស្ថានគណនេយ្យករជំនាញនិងសវនករកម្ពុជា(វ.គ.ស.ក.)និង លោក ជា ធួន នាយកផ្នែកអប់រំនៃ វ.គ.ស.ក. បានអញ្ជើញចូលរួមជាភ្ញៀវកិត្តិយស ក្នុងកម្មវិធី “ប្រគល់បណ្ណសរសើរដល់និស្សិតឆ្នើម” នៃសាកលវិទ្យាល័យ ពាណិជ្ជសាស្រ្ត អេស៊ីលីដា។ កម្មវិធីនេះធ្វើឡើងក្នុងគោលបំណងអបអរសាទរដល់និស្សិតឆ្នើមប្រចាំសាកលវិទ្យាល័យ ដែលបានសិក្សា និងប្រឡងជាប់កម្មវិធីសិក្សាបច្ចេកទេសគណនេយ្យ(ATQ)។ កម្មវិធីនេះមានការចូលរួមពីសាស្រ្តាចារ្យនិងនិស្សិតប្រមាណ៧៥រូប នៅសាកលវិទ្យាល័យ ពាណិជ្ជសាស្រ្ត អេស៊ីលីដា និងបានបញ្ចប់នៅវេលាថ្ងៃខែឆ្នាំដដែលប្រកបដោយផ្លែផ្កា និងភាពជោគជ័យខ្ពស់។

On the morning of November 27, 2024, KICPAA President Mr. KHUN Darith and the KICPAA Secretariat welcomed esteemed guests from the World Bank, including Ms. Patricia McKenzie, Mr. Moad M. Alrubaidi, and Mr. Sophear Khiev, for a fruitful discussion on advancing accounting and auditing practices in Cambodia. Key topics included updates on the CPD and ATQ programs, as well as insights into the National CPA Program.

The meeting concluded at 12:41 PM, leaving us with productive discussions and a strong sense of cooperation.

កម្មវិធីអភិវឌ្ឍន៍វិជ្ជាជីវៈបន្តក្រោមប្រធានបទស្តីពី “ការផ្ទេរថ្លៃ”

នៅព្រឹកថ្ងៃអង្គារ ៤រោច ខែកត្តិក ឆ្នាំរោង ព.ស.២៥៦៨ ត្រូវនឹងថ្ងៃទី១៩ ខែវិចិ្ឆកា គ.ស. ២០២៤ ចាប់ពីម៉ោង ៩:០០ នាទីព្រឹក ដល់ ១១:០០ នាទីព្រឹក វិទ្យាស្ថានគណនេយ្យករជំនាញ និងសវនករកម្ពុជា(វ.គ.ស.ក.) បានសហការជាមួយ អគ្គនាយកដ្ឋានពន្ធដារ (អ.ព.ដ.) រៀបចំសិក្ខាសាលាអនឡាញដែលជាផ្នែកមួយនៃកម្មវិធីអភិវឌ្ឍន៍វិជ្ជាជីវ:បន្ត ស្តីពី “ការផ្ទេរថ្លៃ” ដោយមានការអញ្ជើញចូលរួមពីវាគ្មិនកិត្តិយសតំណាងពីអគ្គនាយកដ្ឋានពន្ធដារ លោក ទ្រី ច័ន្ទតារារិទ្ធ អនុប្រធានការិយាល័យនៃនាយកដ្ឋានសវនកម្មសហគ្រាស នៃអគ្គនាយកដ្ឋានពន្ធដារ។

សិក្ខាសាលានេះ មានគោលបំណងបង្ហាញដល់អ្នកជាប់ពន្ធ និងសាធារណជន ទាំងអស់ដូចជា៖

១. បានសិក្សាស្វែងយល់អំពីបទប្បញ្ញតិ្តពាក់ព័ន្ធនឹងការផ្ទេរថ្លៃ

២. ទិដ្ឋភាពទូទៅ សារៈសំខាន់ស្តីពីការផ្ទេរថ្លៃ

៣. កត្តាកំណត់ភាពដែលអាចធៀបបាន វិធីសាស្រ្តផ្ទេរថ្លៃ និងការកាន់កាប់រក្សាទុកឯកសារ។

សិក្ខាសាលានេះត្រូវបានធ្វើឡើងប្រកបដោយភាពជោគជ័យ និងទទួលបានការចាប់អារម្មណ៍ពីអ្នកចូលរួមសរុបចំនួន ៥៥៧ នាក់។