Category: ព្រឹត្តិការណ៍

កម្មវិធីអភិវឌ្ឍន៍វិជ្ជាជីវៈបន្តក្រោមប្រធានបទស្តីពី “សៀវភៅណែនាំស្ដីពីបែបបទនិងនីតិវិធីនៃការធ្វើសវនកម្មពន្ធដារសម្រាប់មន្រ្តីពន្ធដារ និងអ្នកជាប់ពន្ធ”

នៅព្រឹកថ្ងៃអង្គារ ១២កើត ខែកត្តិក ឆ្នាំរោង ព.ស. ២៥៦៨ ត្រូវនឹងថ្ងៃទី១២ ខែវិចិ្ឆកា គ.ស. ២០២៤ ចាប់ពីម៉ោង ៩:០០ នាទីព្រឹក ដល់ ១១:០០ នាទីព្រឹក វិទ្យាស្ថានគណនេយ្យករជំនាញ និងសវនករកម្ពុជា(វ.គ.ស.ក.) បានសហការជាមួយ អគ្គនាយកដ្ឋានពន្ធដារ (អ.ព.ដ.) រៀបចំសិក្ខាសាលាអនឡាញដែលជាផ្នែកមួយនៃកម្មវិធីអភិវឌ្ឍន៍វិជ្ជាជីវ:បន្ត ស្តីពី “សៀវភៅណែនាំស្ដីពីបែបបទនិងនីតិវិធីនៃការធ្វើសវនកម្មពន្ធដារសម្រាប់មន្រ្តីពន្ធដារ និងអ្នកជាប់ពន្ធ” ដោយមានការអញ្ជើញចូលរួមពីវាគ្មិនកិត្តិយសតំណាងពីអគ្គនាយកដ្ឋានពន្ធដារ លោកស្រី អ៊ុក ប៉ូលីតា អនុប្រធានការិយាល័យនៃនាយកដ្ឋានសវនកម្មសហគ្រាស នៃអគ្គនាយកដ្ឋានពន្ធដារ។

សិក្ខាសាលានេះត្រូវបានរៀបចំឡើងដើម្បី៖

១. បង្ហាញឱ្យអ្នកជាប់ពន្ធ សាធារណជន ទាំងអស់បានយល់អំពីទិដ្ឋភាពទាំងស្រុងនៃមុខងារសវនកម្មពន្ធដារ ប្រភេទសវនកម្មពន្ធដារ

២. បែបបទនិងនីតិវិធីនៃការធ្វើសវនកម្មពន្ធដារតាមប្រភេទសវនកម្មពន្ធដារនីមួយៗ និងបែបបទនិងនីតិវិធីនៃការតវ៉ា សិទ្ធិ អំណាច និង

៣. កាតព្វកិច្ចរបស់រដ្ឋបាលសារពើពន្ធ និងអ្នកជាប់ពន្ធ ក្រមសីលធម៌ វិន័យ និងវិជ្ជាជីវៈ យន្តការតាមដាន ត្រួតពិនិត្យនិងវាយតម្លៃ និងយន្តការរាយការណ៍ និងប្តឹង។

សិក្ខាសាលានេះត្រូវបានធ្វើឡើងដោយជោគជ័យ និងទទួលបានការចាប់អារម្មណ៍ពីអ្នកចូលរួមសរុបចំនួន ៦០៥ នាក់។

នាថ្ងៃពុធ-សុក្រ ៦-៨ កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦-៨ ខែវិច្ឆិកា គ.ស.២០២៤ លោក ឃុន ដារិទ្ធ ប្រធានក្រុមប្រឹក្សាភិបាលនៃ វ.គ.ស.ក. និងគណៈប្រតិភូរបស់និយ័តករគណនេយ្យនិងសវនកម្ម ដឹកនាំដោយ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម បានចូលរួមកិច្ចប្រជុំលើកទី៤១​ នៃក្រុមការងារអ្នកជំនាញការអន្តររដ្ឋា​ភិបាល​ស្តីពីស្តង់ដាគណនេយ្យនិងការរាយការណ៍អន្តរជាតិ ដែលបានបង្កើតឡើងដោយ ECOSOC នាឆ្នាំ១៩៨៣។ ប្រទេស​កម្ពុជា​បានក្លាយជាសមាជិកនៃស្តង់ដាគណនេយ្យ​និងការរាយការណ៍​អន្តរជាតិ(International Standard of Accounting and Reporting)​ ចាប់ពីថ្ងៃទី១ ខែមករា ឆ្នាំ២០២៤។ កិច្ចប្រជុំនេះបានធ្វើឡើងនៅទីក្រុងហ្សឺណែវ ប្រទេសស្វីស ដោយផ្តោតសំខាន់ទៅលើ​ប្រធាន​បទ​សំខាន់ចំនួន ២៖

1) ការត្រួតពិនិត្យទៅលើវឌ្ឍនភាពនៃការអនុវត្ត និងការរាយការណ៍ព័ត៌មានចីរភាព, ការអះអាងនិងក្រមសីលធម៌

2) ការរួមបញ្ចូលការរាយការណ៍ព័ត៌មានហិរញ្ញវត្ថុ និងព័ត៌មានចីរភាពនៃស្ថាប័ន ដោយប្រើប្រាស់បច្ចេកវិទ្យា

សូមជម្រាបផងដែរថា កម្ពុជានឹងត្រៀមខ្លួនអនុវត្តស្តង់ដាការរាយការណ៍ព័ត៌មានចីរភាព ដើម្បី សម្រេចបាននូវគោលដៅអភិវឌ្ឍន៍ប្រកបដោយចីរភាពរបស់ប្រទេសកម្ពុជា ឆ្នាំ២០១៦-២០៣០។

កម្មវិធីអភិវឌ្ឍន៍វិជ្ជាជីវៈបន្តក្រោមប្រធានបទស្តីពី “បច្ចុប្បន្នភាពច្បាប់និងលិខិតបទដ្ឋានគតិយុត្តស្តីពីពន្ធដារ” 

នៅថ្ងៃសុក្រ ៥ កើត ខែកត្តិក ឆ្នាំរោង ព.ស. ២៥៦៨ ត្រូវនឹងថ្ងៃទី៨ ខែវិច្ឆិកា គ.ស. ២០២៤ ចាប់ពីម៉ោង ៩:០០ ព្រឹក ដល់ ១១:៥០ ព្រឹក វិទ្យាស្ថានគណនេយ្យករជំនាញ និងសវនករកម្ពុជា(វ.គ.ស.ក.) បានសហការជាមួយ អគ្គនាយកដ្ឋានពន្ធដារ (អ.ព.ដ.) រៀបចំសិក្ខាសាលាអនឡាញដែលជាផ្នែកមួយនៃកម្មវិធីអភិវឌ្ឍន៍វិជ្ជាជីវ:បន្ត ស្តីពី “បច្ចុប្បន្នភាពច្បាប់និងលិខិតបទដ្ឋានគតិយុត្តស្តីពីពន្ធដារ” ដោយមានការអញ្ជើញចូលរួមពីវាគ្មិនកិត្តិយសតំណាងពីអគ្គនាយកដ្ឋានពន្ធដារ លោក ឆាយ ជាហេង អនុប្រធាននាយកដ្ឋានគ្រប់គ្រងអ្នកជាប់ពន្ធធំ នៃអគ្គនាយកដ្ឋានពន្ធដារ សិក្ខាសាលានេះត្រូវបានរៀបចំឡើងដើម្បីធ្វើបទបង្ហាញពីបច្ចុប្បន្នភាពច្បាប់និងលិខិតបទដ្ឋានគតិយុត្តស្តីពីពន្ធដារ ដើម្បីឱ្យអ្នកជាប់ពន្ធអនុវត្តបានត្រឹមត្រូវស្របតាមច្បាប់និងលិខិតបទដ្ឋានគតិយុត្តស្តីពីពន្ធដារ។ សិក្ខាសាលានេះត្រូវបានធ្វើឡើងដោយជោគជ័យ ដោយទទួលបានការចាប់អារម្មណ៍ពីអ្នកចូលរួមចំនួន ១០០០ នាក់។

នៅព្រឹកថ្ងៃព្រហស្បតិ៍ ១៤ រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ វិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) បានរៀបចំវគ្គណែនាំសមាជិកដំបូង ( Membership Induction Course) របស់ខ្លួនសម្រាប់សមាជិកថ្មី ឆ្នាំ២០២៤ សរុប ៥៥ រូប នៅសណ្ឋាគារ ហ៊ីម៉ាវ៉ារី។ វគ្គបណ្ដុះបណ្ដាលនេះមានគោលបំណងពង្រឹងការយល់ដឹងបន្ថែមអំពីវិទ្យាស្ថាន សមាជិកភាពនិងកាតព្វកិច្ច គោលការណ៍នៃកម្មវិធីអភិវឌ្ឍវិជ្ជាជីវៈបន្ត(CPD) កម្មវិធីបច្ចេកទេសគណនេយ្យ (ATQ) ជូនដល់សមាជិករបស់ខ្លួន និងជាពិសេសការអបអរសាទរដល់សមាជិកថ្មីផងដែរ។ លទ្ធផលនៃវគ្គបណ្តុះបណ្តាលនេះ សមាជិកថ្មីដែលបានចូលរួមទាំងអស់មានមោទនភាពដែលបានចូលរួមជាសមាជិករបស់ វ.គ.ស.ក. និងប្តេជ្ញាចូលរួមអភិវឌ្ឍខ្លួនឯងបន្ថែមជាប្រចាំជាមួយវគ្គបណ្តុះបណ្តាលនានា ដែលរៀបចំដោយ វ.គ.ស.ក. ។ កម្មវិធីនេះត្រូវបានបញ្ចប់ ប្រកបដោយផ្លែផ្កា ភាពរីករាយ និងចំណងទាក់ទងរវាងគ្នានឹងគ្នាកាន់តែរឹងមាំ។

នាព្រឹកថ្ងៃពុធ ១៣ រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣០ ខែតុលា គ.ស.២០២៤ វេលាម៉ោង ៩:០០ ដល់ ១០:៣៥ ព្រឹក ក្រោមកិច្ចសហប្រតិបត្តិការជាមួយក្រសួងពាណិជ្ជកម្ម វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានរៀបចំសិក្ខាសាលាអនឡាញស្តីពី “នីតិវិធីនៃការបើក និងបិទក្រុមហ៊ុន” ដោយមានការចូលរួមផ្តល់កិត្តិយសដ៏ខ្ពង់ខ្ពស់ជាវាគ្មិនដោយ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម ទទួលបន្ទុកចុះបញ្ជីពាណិជ្ជកម្ម និងធ្វើឡើងក្នុងគោលបំណងលើកកម្ពស់ចំណេះដឹងអំពីនីតិវិធីនៃការបើក និងបិទក្រុមហ៊ុនដល់ធុរជន និងវិនិយោគិន។ ជាលទ្ធផលសិក្ខាសាលានេះទទួលបានជោគជ័យ និងមានអ្នកចូលរួមសរុបចំនួន ៨២០ នាក់។

The Kampuchea Institute of Certified Public Accountants and Auditors (KICPAA) with the collaborations from PKF Covenant Co., Ltd. hosted a physical workshop on “CIFRS 15” on Thursday 24 October 2024 from 9:00 AM to 5:00 PM at Phnom Penh Hotel.

The workshop is a part of the Continuing Professional Development (CPD) Programme for KICPAA Members and the growing accountancy industry in Cambodia.

The workshop was successfully conducted with significant excitement and interest by 36 participants from KICPAA Members, Accountants, Auditors, Finance teams, Senior Management, and other related fields.

នាថ្ងៃព្រហស្បតិ៍-សុក្រ ១៥និង១៦កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៧និង១៨ ខែតុលា គ.ស.២០២៤ និយ័តករគណនេយ្យនិងសវនកម្ម(ន.គ.ស.) សហការជាមួយ វិទ្យាស្ថានគណនេយ្យករជំនាញនិងសវនករកម្ពុជា(វ.គ.ស.ក.) និង ACCA Cambodia បានរៀបចំវេទិកាជាតិគណនេយ្យឆ្នាំ២០២៤ ក្រោមប្រធានបទ “តួនាទីនៃគណនេយ្យនិងបច្ចេកវិទ្យាហិរញ្ញវត្ថុកម្ពុជាសម្រាប់ចក្ខុវិស័យឆ្នាំ២០៣០” នៅមជ្ឈមណ្ឌលសន្និបាត និងពិព័រណ៍កោះពេជ្រ។ កម្មវិធីវេទិកាជាតិគណនេយ្យនេះត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម ងី តាយី រដ្ឋលេខាធិការនៃក្រសួងសេដ្ឋកិច្ចនិងហិរញ្ញវត្ថុ និងជាសមាជិកក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អមដោយ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម។ កម្មវិធីវេទិកាជាតិគណនេយ្យដែលប្រារព្ធឡើងក្នុងឆ្នាំដំបូងនេះ បានផ្តោតជាសំខាន់ទៅលើ៖

– ទិដ្ឋភាពគោលនយោបាយ បទប្បញ្ញត្តិ និងផែនការអភិវឌ្ឍសម្រាប់វិស័យហិរញ្ញវត្ថុគណនេយ្យ និងបច្ចេកវិទ្យាហិរញ្ញវត្ថុក្នុងចក្ខុវិស័យប្រទេសកម្ពុជាឆ្នាំ២០៣០

– បរិវិត្តកម្មឌីជីថលនិងនវានុវត្តន៍ក្នុងសេវាគណនេយ្យនិងសវនកម្ម

– ការដាក់ឱ្យដំណើរការថ្នាលរៀបចំរបាយការណ៍ហិរញ្ញវត្ថុសម្រាប់សហគ្រាសធុនតូច និងមធ្យម ព្រមទាំងអង្គភាពមិនស្វែងរកប្រាក់ចំណេញ

– លទ្ធផលនៃការសិក្សាស្រាវជ្រាវពីការប្រើប្រាស់បច្ចេកវិទ្យារបស់ក្រុមហ៊ុនគណនេយ្យ និងសវនកម្មក្នុងប្រទេសកម្ពុជា

– ការចែករំលែកនូវបទពិសោធ កាលានុវត្តភាព និងបញ្ហាប្រឈម

– លទ្ធផលនៃការសិក្សាស្តីអំពីអនាគតនៃមុខងារហិរញ្ញវត្ថុក្នុងឆ្នាំ ២០៣០

– សារៈសំខាន់នៃការអភិវឌ្ឍជំនាញ និងគុណវុឌ្ឍិដើម្បីសម្រេចបាននូវចក្ខុវិស័យកម្ពុជាឆ្នាំ២០៣០

ក្នុងនោះដែរ លោក ឃុន ដារិទ្ធ ប្រធានក្រុមប្រឹក្សាភិបាលនៃ (វ.គ.ស.ក.) លោកស្រី សាវុធ ដាលី នាយកប្រតិបត្តិនៃ វ.គ.ស.ក. និងលោក ជា ធួន នាយកផ្នែកអប់រំនៃ វ.គ.ស.ក. ក៏ជាវាគ្មិនកិត្តិយសក្នុងការធ្វើបទបង្ហាញនិងកិច្ចពិភាក្សាក្នុងកម្មវិធីវេទិកាជាតិគណនេយ្យនេះផងដែរ។

កម្មវិធីវេទិកាជាតិនេះមានការអញ្ជើញចូលរួមដោយ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ព្រមទាំងឯកឧត្តម លោកជំទាវ ជាថ្នាក់ដឹកនាំ និងមន្ត្រីនៃអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ ក្រសួង-ស្ថាប័ន ពាក់ព័ន្ធនានា និងមានការចូលរួមពីសំណាក់ សហគ្រាស អង្គភាពមិនស្វែងរកប្រាក់ចំណេញ និងភ្ញៀវកិត្តិយសជាតិនិងអន្តរជាតិ ប្រមាណ២,៦៥០នាក់។

នាព្រឹកថ្ងៃសុក្រ ៩កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែតុលា គ.ស.២០២៤ ពិធីចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង សាកលវិទ្យាល័យមេគង្គកម្ពុជាស្តីពីការទទួលយកកម្មវិធីសិក្សាបច្ចេកទេសគណនេយ្យទៅបង្រៀន និងការទទួលស្គាល់សាកលវិទ្យាល័យមេគង្គកម្ពុជាជាស្ថាប័នបណ្តុះបណ្តាលដៃគូបានប្រព្រឹត្តទៅនៅម៉ោង ១០:០០ នាទីព្រឹក នៅសាលប្រជុំនៃសាកលវិទ្យាល័យមេគង្គកម្ពុជា។

កិច្ចសហការនេះគឺជាជំហានឆ្ពោះទៅមុខយ៉ាងសំខាន់ក្នុងការបង្កើនសុខដុមនីយកម្មនៃកម្មវិធីសិក្សាគណនេយ្យ និងដើម្បីបណ្ដុះបណ្ដាលជំនាញវិជ្ជាជីវៈដល់សិស្សានុសិស្សក្នុងការត្រៀមខ្លួនក្លាយជាអ្នកបច្ចេកទេសគណនេយ្យដ៏ពិតប្រាកដ។

នារសៀលថ្ងៃអង្គារ ៦កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៨ ខែតុលា គ.ស.២០២៤ ពិធីចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង ក្រុមហ៊ុន ភី អេ ធី ប្រឹហ្វេសិនណល លីមីធីត បានប្រព្រឹត្តទៅនៅម៉ោង ២:០០ នាទីរសៀលនៅបន្ទប់ប្រជុំ វ.គ.ស.ក.។ អនុស្សរណៈនេះមានគោលបំណងផ្តល់ឱកាសជូននិស្សិតដែលកំពុងសិក្សាកម្មវិធីបច្ចេកទេសគណនេយ្យ(ATQ) ចុះកម្មសិក្សាផ្ទាល់ជាមួយក្រុមហ៊ុន ភី អេ ធី ប្រឹហ្វេសិនណល លីមីធីត ដែលជាសមាជិកសកម្ម របស់ វ.គ.ស.ក. ក្នុងការផ្ដល់សេវាកម្មគណនេយ្យ និងសវនកម្ម។ បន្ថែមលើខ្លឹមសារនេះក្រុមហ៊ុន ភី អេ ធី ប្រឹហ្វេសិនណល លីមីធីត នឹងជំរុញលើកទឹកចិត្តឱ្យបុគ្គលិករបស់ខ្លួនចូលរួមសិក្សា និងប្រឡងក្នុងកម្មវិធីបច្ចេកទេសគណនេយ្យផងដែរ។

កិច្ចសហការនេះគឺជាជំហានឆ្ពោះទៅមុខយ៉ាងសំខាន់ក្នុងការបណ្ដុះបណ្ដាលជំនាញវិជ្ជាជីវៈដល់សិស្សានុសិស្សក្នុងការត្រៀមខ្លួនក្លាយជាអ្នកបច្ចេកទេសគណនេយ្យដ៏ពិតប្រាកដ។

The Kampuchea Institute of Certified Public Accountants and Auditors (KICPAA) held a webinar titled “Step Guide to a Successful Accounting Systems Implementation” on Monday, 7 October 2024 from 9:00 AM to 11:30 AM. The webinar is a part of the Continuing Professional Development (CPD) Programme for KICPAA Members and the growing of accountancy industry in Cambodia.

The webinar attracted 250 participants, who engaged with great enthusiasm and interest, making it a resounding success.

នារសៀលថ្ងៃចន្ទ ៥ កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែតុលា គ.ស.២០២៤ នៅសាលប្រជុំនៃនិយ័តគណនេយ្យនិងសវនកម្ម លោក ឃុន ដារិទ្ធ ប្រធានក្រុមប្រឹក្សាភិបាលនៃវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និងលោកស្រី សាវុធ ដាលី នាយកប្រតិបត្តិនៃ វ.គ.ស.ក. បានអញ្ជើញចូលរួមកិច្ចប្រជុំក្រោមការដឹកនាំដ៏ខ្ពង់ខ្ពស់របស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម ស្តីពី វឌ្ឍនភាពការងារ និងការងារត្រូវរៀបចំបន្ត សម្រាប់កម្មវិធីវេទិកាជាតិគណនេយ្យឆ្នាំ២០២៤ ក្រោមប្រធានបទ​​​​ “តួនាទីនៃគណនេយ្យនិងបច្ចេកវិទ្យាហិរញ្ញវត្ថុកម្ពុជាសម្រាប់ចក្ខុវិស័យឆ្នាំ២០៣០” ដែលនឹងប្រព្រឹត្តទៅនៅថ្ងៃទី១៧-១៨ ខែតុលា ឆ្នាំ២០២៤ នៅមជ្ឈមណ្ឌលសន្និបាតនិងពិព័រណ៍កោះពេជ្រ។ កិច្ចប្រជុំត្រូវបានធ្វើឡើងដើម្បីត្រួតពិនិត្យ និងវាយតម្លៃ នូវវឌ្ឍនភាពការងារ និងសកម្មភាពនានាក្នុងការរៀបចំវេទិកាជាតិគណនេយ្យឆ្នាំ២០២៤ និងដើម្បីធានាបាននូវប្រសិទ្ធភាព និងភាពជោគជ័យរបស់វេទិកាជាតិគណនេយ្យនាពេលខាងមុខនេះ។ កិច្ចប្រជុំនេះមានការចូលរួមដោយ លោក លោកស្រី អគ្គនាយករងនៃ ​ន.គ.ស. ថ្នាក់ដឹកនាំមកពីវិទ្យាស្ថានគណនេយ្យករជំនាញនិងសវនករកម្ពុជា ACCA ប្រចាំប្រទេសកម្ពុជា ក្រុមហ៊ុន DFC ក្រុមហ៊ុន Banhji និងក្រុមការងាររបស់ ន.គ.ស. ផងដែរ។

 

The Kampuchea Institute of Certified Public Accountants and Auditors (KICPAA) hosted a 2 days physical workshop on “Audit Practice Manual (APM)” on Thursday & Friday, 26 & 27 September 2024 from 8:30 AM to 5:00 PM at Phnom Penh Hotel. The workshop is part of the Continuing Professional Development (CPD) Program for KICPAA Members and the growth of accountancy sector in Cambodia.

The workshop was successfully conducted with significant excitement and interest by 49 participants from KICPAA Members, KICPAA firm Member, and general audiences.

នាព្រឹកថ្ងៃព្រហស្បតិ៍ ២រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៩ ខែកញ្ញា គ.ស.២០២៤ ចាប់ពីម៉ោង ៩:០០ ដល់ ១១:២៤ព្រឹក វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.គ.) និងនិយ័តករគណនេយ្យ និងសវនកម្ម (ន.គ.ស.) បានសហការរៀបចំសិក្ខាសាលាអនឡាញ ស្តីពី “សមាជិកភាពរបស់ វ.គ.ស.ក. និងការស្នើសុំអាជ្ញាបណ្ណពី ន.គ.ស.” ដោយមានការចូលរួមធ្វើបទបង្ហាញពីវាគ្មិនកិត្តិយស កញ្ញា កឹង កែវពិសី មន្រ្តីជាន់ខ្ពស់ផ្នែកចុះឈ្មោះ និងសមាជិកភាព នៃ វ.គ.ស.ក. និងលោក ស៊ុន ស៊ឹម ប្រធានការិយាល័យអាជ្ញាបណ្ណ នៃ ន.គ.ស.។ សិក្ខាសាលាអនឡាញនេះត្រូវបានរៀបចំឡើងក្នុងគោលបំណងណែនាំអំពីសមាជិកភាពរបស់ វ.គ.ស.ក. ជាពិសេសការយល់ដឹងបន្ថែមពាក់ព័ន្ធនឹងការស្នើរសុំអាជ្ញាបណ្ណពី ន.គ.ស.។ សិក្ខាសាលាអនឡាញនេះត្រូវបានធ្វើឡើងដោយជោគជ័យ និងទទួលបានការចាប់អារម្មណ៍ពីសំណាក់អ្នកចូលរួមសរុបចំនួន ២៧៥ នាក់។

នាព្រឹកថ្ងៃពុធ ១រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៨ ខែកញ្ញា គ.ស.២០២៤ ពិធីចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ស្តីពីការទទួលយកកម្មវិធីសិក្សាបច្ចេកទេសគណនេយ្យទៅបង្រៀន និងការទទួលស្គាល់សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ជាស្ថាប័នបណ្តុះបណ្តាលដៃគូបានប្រព្រឹត្តទៅនៅម៉ោង ១០:០០ នាទីព្រឹក នៅសាលប្រជុំ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

កិច្ចសហការនេះគឺជាជំហានឆ្ពោះទៅមុខយ៉ាងសំខាន់ក្នុងការបង្កើនសុខដុមរមនីយកម្មនៃកម្មវិធីសិក្សាគណនេយ្យ និងដើម្បីបណ្ដុះបណ្ដាលជំនាញវិជ្ជាជីវៈដល់សិស្សានុសិស្សក្នុងការត្រៀមខ្លួនក្លាយជាអ្នកបច្ចេកទេសគណនេយ្យដ៏ពិតប្រាកដ។

នារសៀលថ្ងៃព្រហស្បតិ៍ ១០ កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែកញ្ញា គ.ស.២០២៤ វិទ្យាស្ថានគណនេយ្យករជំនាញនិងសវនករកម្ពុជា(វ.គ.ស.ក.) បានរៀបចំវគ្គបណ្តុះបណ្តាលគ្រូបង្គោលស្តីពី “បច្ចុប្បន្នភាពនៃបទប្បញ្ញត្តិគណនេយ្យនៅកម្ពុជា” ក្រោមអធិបតីភាព លោកស្រី សាវុធ ដាលី នាយកប្រតិបត្តិនៃ វ.គ.ស.ក. អមដោយលោក ជា ធួន នាយកផ្នែកអប់រំនៃ វ.គ.ស.ក. និងលោក សឿន បូតេ អនុប្រធាននាយកដ្ឋានកិច្ចការគតិយុត្ត និងអនុលោមភាពនៃនិយ័តករគណនេយ្យនិងសវនកម្ម និងជាវាគ្មិនផងដែរ​ នៅសណ្ឋាគារភ្នំពេញ។ វគ្គបណ្តុះបណ្តាលនេះមានការអញ្ជើញចូលរួមពីសាស្រ្តាចារ្យចំនួន៣៧រូប មកពី១៩គ្រឹះស្ថានឧត្តមសិក្សា។ ជាលទ្ធផល វគ្គបណ្តុះបណ្តាលនេះចូលរួមក្នុងការពង្រឹងសមត្ថភាពលោកគ្រូអ្នកគ្រូបន្ថែមដូចជា៖

– ចំណេះដឹងទាក់ទងនឹងច្បាប់ស្តីពីគណនេយ្យនិងសវនកម្ម

– ការវិវត្តនៃបទប្បញ្ញត្តិគណនេយ្យនិងសវនកម្មនៅកម្ពុជា

– ការបង្រៀនមុខវិជ្ជាគណនេយ្យឱ្យកាន់តែមានប្រសិទ្ធភាព។

កម្មវិធីនេះត្រូវបានបញ្ចប់នៅម៉ោង៤ៈ៤០នាទី ប្រកបដោយផ្លែផ្កា និងភាពរីករាយក្រៃលែង។