Category: ព្រឹត្តិការណ៍

នៅថ្ងៃទី២៧ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានរៀបចំវគ្គណែនាំសមាជិកដំបូង (Induction Course) របស់ខ្លួនលើកទី២ សម្រាប់សមាជិកឆ្នាំ២០២៦ដែលមានអ្នកចូលរួមសរុប១១រូបនៅបន្ទប់ប្រជុំនៃ វ.គ.ស.ក. ។ វគ្គបណ្ដុះបណ្ដាលនេះមានគោលបំណងដើម្បីពង្រឹងការយល់ដឹងបន្ថែមអំពី វិទ្យាស្ថាន សមាជិកភាព និងកាតព្វកិច្ច គោលការណ៍នៃកម្មវិធីអភិវឌ្ឍន៍វិជ្ជាជីវៈបន្ត(CPD) កម្មវិធីបច្ចេកទេសគណនេយ្យ (ATQ) ជូនដល់សមាជិករបស់ខ្លួន ប្រព័ន្ធសមាជិកភាព និងជាពិសេសការអបអរសាទរដល់សមាជិកថ្មីផងដែរ។ លទ្ធផលនៃវគ្គបណ្តុះបណ្តាលនេះ សមាជិកថ្មីដែលបានចូលរួមទាំងអស់ មានមោទនភាពដែលបានចូលរួមជាសមាជិករបស់

វ.គ.ស.ក. និងប្តេជ្ញាចូលរួមអភិវឌ្ឍខ្លួនឯងបន្ថែមជាប្រចាំជាមួយវគ្គបណ្តុះបណ្តាលនានា ដែលរៀបចំឡើងដោយ វ.គ.ស.ក.។ កម្មវិធីនេះត្រូវបានបញ្ចប់ ប្រកបដោយផ្លែផ្កា ភាពរីករាយ និងចំណងទាក់ទងរវាងគ្នានឹងគ្នាកាន់តែរឹងមាំ។

នាព្រឹកថ្ងៃទី២៥ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានសហការជាមួយវិទ្យាស្ថានហិរញ្ញវត្ថុ និងគណនេយ្យ រៀបចំកម្មវិធីពិព័រណ៍ការងារប្រចាំឆ្នាំ២០២៦ ស្តីពី “ការផ្សារភ្ជាប់និស្សិតទៅនឹងឱកាសការងារជាមួយក្រុមហ៊ុន” នៅវិទ្យាស្ថានហិរញ្ញវត្ថុ និងគណនេយ្យ ក្នុងរាជធានីភ្នំពេញ។ កម្មវិធីនេះប្រារព្ធឡើងក្រោមអធិបតីភាពរបស់លោកស្រី សាវុធ ដាលី នាយិកាប្រតិបត្តិនៃវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និងលោក ប៊ុន សុន្ទរង្គ នាយកវិទ្យាស្ថានហិរញ្ញវត្ថុ និងគណនេយ្យ និងមានការរួមទាំងថ្នាក់ដឹកនាំនៃ​​ វ.គ.ស.ក. តំណាងក្រុមហ៊ុនគណនេយ្យ និងសវនកម្ម ធនាគារ សាស្ត្រាចារ្យ និង​សិស្សនិស្សិតជាច្រើននាក់។

ក្នុងកម្មវិធីនេះ និស្សិតទទួលបានការយល់ដឹងដ៏មានតម្លៃអំពីសារៈសំខាន់នៃការអភិវឌ្ឍសមត្ថភាពវិជ្ជាជីវៈ និងការត្រៀមខ្លួនសម្រាប់ទីផ្សារការងារដែលកំពុងវិវត្ត។ និស្សិតត្រូវបានលើកទឹកចិត្តឱ្យបន្តពង្រឹងចំណេះដឹង សមត្ថភាពវិជ្ជាជីវៈ និងតម្លៃសីលធម៌របស់ខ្លួនជាប្រចាំ ដើម្បីបង្កើនការត្រៀមខ្លួនសម្រាប់អាជីពការងារ។ កម្មវិធីនេះក៏មានការធ្វើបទបង្ហាញអំពីប្រព័ន្ធគាំទ្រអាជីពការងារ (CSS) ដែលជាប្រព័ន្ធតភ្ជាប់និស្សិតទៅនឹងឱកាសចុះកម្មសិក្សា និងឱកាសការងារ ដែលផ្តល់ដោយបណ្តាក្រុមហ៊ុនជាសមាជិករបស់ វ.គ.ស.ក.។ បន្ទាប់មក កម្មវិធីក៏បានរៀបចំវេទិកាពិភាក្សាក្រោមប្រធានបទ “អាជីពការងារក្នុងវិស័យគណនេយ្យ និងសវនកម្ម” ដោយមានការចូលរួមចែករំលែកបទពិសោធពីអ្នកជំនាញមកពីក្រុមហ៊ុន វីអេសឌី អឌីត អេន អឹសួរ៉ិនស៍ ឯ.ក ក្រុមហ៊ុន ឡូខលឡាយស៍ ថេក សូលូសិន និង​ក្រុមហ៊ុន យោរ ហ្គាយដីង ស្តារ អាខោនធីង ឯ.ក អំពីបទពិសោធការងារ ជំនាញដែលនិយោជកត្រូវការ និងការត្រៀមខ្លួនដើម្បីទទួលបានភាពជោគជ័យក្នុងអាជីពការងារ។ និស្សិតក៏បានចូលរួមទស្សនាស្តង់ពិព័រណ៍ការងាររបស់ក្រុមហ៊ុនជាច្រើន ផ្តល់ឱកាសដល់និស្សិតក្នុងការជួបពិភាក្សាដោយផ្ទាល់ជាមួយនិយោជក ស្វែងយល់ពីតម្រូវការទីផ្សារការងារ និងពង្រឹងបណ្តាញទំនាក់ទំនងវិជ្ជាជីវៈរបស់ខ្លួន។

ជាលទ្ធផល កម្មវិធីនេះបានរួមចំណែកយ៉ាងសំខាន់ក្នុងការផ្សារភ្ជាប់និស្សិតទៅនឹងឱកាសការងារ លើកកម្ពស់ការត្រៀមខ្លួនសម្រាប់អាជីពការងារនាពេលអនាគត ព្រមទាំងពង្រឹងកិច្ចសហការរវាងវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) វិទ្យាស្ថានហិរញ្ញវត្ថុ និងគណនេយ្យ និងក្រុមហ៊ុនជាសមាជិកក្នុងការអភិវឌ្ឍធនធានមនុស្សប្រកបដោយគុណភាពសម្រាប់វិស័យគណនេយ្យ និងសវនកម្ម។

កម្មវិធីនេះបានបញ្ចប់នៅវេលាម៉ោង៣:០០នាទីរសៀលនាថ្ងៃខែឆ្នាំដដែល ប្រកបដោយផ្លែផ្កានិងភាពស្និទ្ធស្នាល ដោយបានផ្តល់ឱកាសដ៏មានតម្លៃសម្រាប់និស្សិត និងបណ្តាក្រុមហ៊ុនដែលបានចូលរួម ក្នុងការកសាងទំនាក់ទំនងឱ្យកាន់តែជិតស្និទ្ធ និងស្វែងរកឱកាសការងារផ្សេងៗ។

នៅថ្ងៃទី២៤ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានរៀបចំវគ្គណែនាំសមាជិកដំបូង (Induction Course) របស់ខ្លួនលើកទី១ សម្រាប់សមាជិកឆ្នាំ២០២៦ដែលមានអ្នកចូលរួមសរុប១១រូបនៅបន្ទប់ប្រជុំនៃ វ.គ.ស.ក. ។ វគ្គបណ្ដុះបណ្ដាលនេះមានគោលបំណងដើម្បីពង្រឹងការយល់ដឹងបន្ថែមអំពី វិទ្យាស្ថាន សមាជិកភាព និងកាតព្វកិច្ច គោលការណ៍នៃកម្មវិធីអភិវឌ្ឍន៍វិជ្ជាជីវៈបន្ត(CPD) កម្មវិធីបច្ចេកទេសគណនេយ្យ (ATQ) ជូនដល់សមាជិករបស់ខ្លួន ប្រព័ន្ធសមាជិកភាព និងជាពិសេសការអបអរសាទរដល់សមាជិកថ្មីផងដែរ។ លទ្ធផលនៃវគ្គបណ្តុះបណ្តាលនេះ សមាជិកថ្មីដែលបានចូលរួមទាំងអស់ មានមោទនភាពដែលបានចូលរួមជាសមាជិករបស់ វ.គ.ស.ក. និងប្តេជ្ញាចូលរួមអភិវឌ្ឍខ្លួនឯងបន្ថែមជាប្រចាំជាមួយវគ្គបណ្តុះបណ្តាលនានា ដែលរៀបចំឡើងដោយ វ.គ.ស.ក.។ កម្មវិធីនេះត្រូវបានបញ្ចប់ ប្រកបដោយផ្លែផ្កា ភាពរីករាយ និងចំណងទាក់ទងរវាងគ្នានឹងគ្នាកាន់តែរឹងមាំ។

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក) ដោយមានការគាំទ្រពីវិទ្យាស្ថានហិរញ្ញវត្ថុ និងគណនេយ្យ បានរៀបចំកម្មវិធីសិក្ខាសាលាតាមប្រព័ន្ធអនឡាញ (Webinar) ស្តីពី​ “ការរៀបចំផ្ទាំងទិន្នន័យហិរញ្ញវត្ថុតាមកម្មវិធី Excel” ប្រកបដោយជោគជ័យ នាថ្ងៃសុក្រ ទី២៤ ខែកក្កដា ឆ្នាំ២០២៦ ចាប់ពីម៉ោង ៩:០០ព្រឹក ដល់ម៉ោង ១១:៣០ ព្រឹក តាមរយៈកម្មវិធី Zoom Meeting។​ 

កម្មវិធីសិក្ខាសាលានេះមានការធ្វើបទបង្ហាញយ៉ាងស៊ីជម្រៅពីវាគ្មិនកិត្តិយសលោក បាន សិទ្ធី សាស្ត្រាចារ្យជាន់ខ្ពស់ផ្នែកគណនេយ្យ ហិរញ្ញវត្ថុ និងវិភាគទិន្នន័យនៃវិទ្យាស្ថានហិរញ្ញវត្ថុ និងគណនេយ្យ។ លោកបានចែករំលែកចំណេះដឹងអនុវត្តជាក់ស្តែងលើការបង្កើតផ្ទាំងទិន្នន័យ ការវិភាគទិន្នន័យហិរញ្ញវត្ថុ ការតាមដាន KPI និងការរៀបចំរបាយការណ៍ដោយស្វ័យប្រវត្តិក្នុងកម្មវិធី Excel។ 

អំឡុងកម្មវិធីសិក្ខាសាលានេះ អ្នកចូលរួមបានទទួលចំណេះដឹងដ៏មានតម្លៃដូចជា៖

• យល់ដឹងអំពីការបង្កើតផ្ទាំងទិន្នន័យហិរញ្ញវត្ថុនៅក្នុងកម្មវិធី Excel
• បង្កើនជំនាញលើការវិភាគ និងបង្ហាញទិន្នន័យហិរញ្ញវត្ថុតាមបែបទំនើប
• យល់ដឹងពីការប្រើប្រាស់ Power Query, Slicers និង Conditional Formatting សម្រាប់ការរៀបចំរបាយការណ៍ដោយស្វ័យប្រវត្តិ
• ពង្រឹងសមត្ថភាពលើការតាមដាន KPI និងការគាំទ្រការសម្រេចចិត្ត
• ការដោះស្រាយបញ្ហាប្រឈមជាក់ស្តែងតាមរយៈវគ្គសំណួរ និងចម្លើយ។

កម្មវិធីសិក្ខាសាលានេះទទួលបានការចាប់អារម្មណ៍ពីអ្នកចូលរួមសរុបចំនួន ៥៩០ នាក់ រួមមានសមាជិកនៃ វ.គ.ស.ក., អ្នកជំនាញផ្នែកគណនេយ្យ និងហិរញ្ញវត្ថុ, អ្នកគ្រប់គ្រង និងអ្នកវិភាគហិរញ្ញវត្ថុ, ម្ចាស់អាជីវកម្ម, អ្នកវិភាគទិន្នន័យកម្រិតដំបូង, អ្នកគ្រប់គ្រងផ្នែកលក់ និងប្រតិបត្តិការ និងបុគ្គលពាក់ព័ន្ធដែលកំពុងស្វែងរកការកែលម្អប្រសិទ្ធភាពការងារ។

កម្មវិធីអភិវឌ្ឍន៍វិជ្ជាជីវៈបន្តនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ វ.គ.ស.ក. ក្នុងការគាំទ្រដល់វិជ្ជាជីវៈគណនេយ្យ តាមរយៈការផ្តល់នូវការអនុវត្តជាក់ស្តែង ដើម្បីពង្រឹងចំណេះដឹងបច្ចេកទេស និងសមត្ថភាពវិជ្ជាជីវៈ ព្រមទាំងធ្វើបច្ចុប្បន្នភាពជូនដល់សមាជិកនូវរាល់ការវិវត្តថ្មីៗផ្នែកបទប្បញ្ញត្តិ និងប្រព័ន្ធឌីជីថល។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះ លោក បាន សិទ្ធី ដែលបានចែករំលែកចំណេះដឹង និងបទពិសោធន៍ដ៏មានតម្លៃ និងសូមអរគុណដល់អ្នកចូលរួមទាំងអស់សម្រាប់ការចូលរួមយ៉ាងសកម្ម ដែលធ្វើឱ្យកម្មវិធីសិក្ខាសាលានេះទទួលបានលទ្ធផលយ៉ាងផ្លែផ្កា។

នារសៀលថ្ងៃទី១៧ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា(វ.គ.ស.ក.) បានរៀបចំវគ្គបណ្ដុះបណ្ដាលគ្រូបង្គោល ស្តីពី “ការណែនាំលើការបង្រៀនកម្មវិធីសិក្សាបច្ចេកទេសគណនេយ្យ (ATQ)” ជូនដល់សាស្ត្រាចារ្យនៅសាកលវិទ្យាល័យ ហេងសំរិន ត្បូងឃ្មុំ។ គោលបំណងនៃការបណ្ដុះបណ្ដាលនេះគឺ ដើម្បីជំរុញអត្រាប្រឡងជាប់របស់និស្សិត និងរួមគ្នាបង្កើតវិធីសាស្ត្រសិក្សា និងការបង្រៀនថ្មីៗ សម្រាប់វិជ្ជាជីវៈគណនេយ្យ និងសវនកម្ម។ លោក ជា ធួន នាយកប្រតិបត្តិរងនៃ វ.គ.ស.ក. ដែលជាគ្រូបណ្ដុះបណ្ដាលនៃកម្មវិធីនេះ និងបានធ្វើបទបង្ហាញអំពី៖

• ទិដ្ឋភាពទូទៅនៃ វ.គ.ស.ក. និងបច្ចុប្បន្នភាពវិស័យគណនេយ្យ និងសវនកម្ម
• កម្មវិធីសិក្សាបច្ចេកទេសគណនេយ្យ​ ATQ
• វិធីសាស្ត្រសិក្សា និងបង្រៀន ក្នុងកម្មវិធីសិក្សាបច្ចេកទេសគណនេយ្យ (ATQ)
• ការណែនាំអំពីការប្រើប្រាស់កម្មវិធីសិក្សា ATQ តាមរយៈវេបសាយ (KICPAA website) និងលើទូរស័ព្ទដៃ (KICPAA app)

វគ្គបណ្តុះបណ្តាលនេះបានបញ្ចប់នៅវេលាម៉ោង៥ និង​​០០នាទីល្ងាច នាថ្ងៃខែឆ្នាំដដែល ប្រកបដោយលទ្ធផលផ្លែផ្កានិងភាពរីករាយក្រៃលែង។

នាព្រឹកថ្ងៃទី១៧ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា(វ.គ.ស.ក.) បានសហការជាមួយសាកលវិទ្យាល័យ ហេងសំរិន ត្បូងឃ្មុំ រៀបចំវគ្គតម្រង់ទិស ស្តីពី “ការផ្សព្វផ្សាយពីវិជ្ជាជីវៈគណនេយ្យ និងហិរញ្ញវត្ថុ” ជូនដល់លោកគ្រូ អ្នកគ្រូ និស្សិត និងសិស្សានុសិស្សទាំង ៤វិទ្យាល័យរួមមាន វិទ្យាល័យ ហ៊ុនសែន អូរាំងឪ វិទ្យាល័យ ហ៊ុនសែនចារថ្មី វិទ្យាល័យ តេជោសែនត្បូងឃ្មុំ និងវិទ្យាល័យ ហ៊ុនសែនខ្នារ សរុបប្រមាណ ២០០នាក់ នៅសាកលវិទ្យាល័យ ហេងសំរិន ត្បូងឃ្មុំ។ វគ្គតម្រង់ទិសនេះប្រារព្ធឡើងក្រោមអធិបតីភាពរបស់សាស្ត្រាចារ្យរងបណ្ឌិត ពិន ​តារា សាកលវិទ្យាធិការរងនៃសាកលវិទ្យាល័យ ហេងសំរិន ត្បូងឃ្មុំ និងមានការអញ្ជើញចូលរួមដោយលោក ជា ធួន នាយកប្រតិបត្តិរងនៃ វ.គ.ស.ក.​ ជាវាគ្មិនកិត្តិយសក្នុងការធ្វើបទបង្ហាញទៅលើ៖

• ការណែនាំសិស្សនិស្សិតឱ្យបានស្គាល់អំពីវិស័យគណនេយ្យ សវនកម្ម និងហិរញ្ញវត្ថុ រួមទាំងតួនាទី និងសារៈសំខាន់នៃវិស័យទាំងនេះក្នុងការគាំទ្រដល់ប្រតិបត្តិការអាជីវកម្ម និងការអភិវឌ្ឍសេដ្ឋកិច្ច។
• ពន្យល់ពីអត្ថប្រយោជន៍នៃការបន្តការសិក្សាលើជំនាញគណនេយ្យ និងហិរញ្ញវត្ថុ រួមមានចំណេះដឹង ជំនាញបច្ចេកទេស និងសមត្ថភាពវិជ្ជាជីវៈ ដែលនិស្សិតអាចអភិវឌ្ឍបានសម្រាប់អាជីពការងាររបស់ពួកគេ។
• ចែករំលែកនូវទស្សនទានអំពីឱកាសការងារដ៏សម្បូរបែបដែលមាននៅក្នុងវិជ្ជាជីវៈគណនេយ្យ និងហិរញ្ញវត្ថុ ដែលជួយឱ្យនិស្សិតយល់ដឹងពីផ្លូវឆ្ពោះទៅកាន់អាជីពការងារនាពេលអនាគតបន្ទាប់ពីបញ្ចប់ការសិក្សា។
• ផ្តល់ជូននូវទិដ្ឋភាពទូទៅនៃឱកាសការងារនៅក្នុងវិស័យផ្សេងៗគ្នា រួមមានក្រុមហ៊ុនគណនេយ្យ ក្រុមហ៊ុនសវនកម្ម គ្រឹះស្ថានហិរញ្ញវត្ថុ ក្រុមហ៊ុនឯកជន និងអង្គការផ្សេងៗទៀត។
• ពង្រឹងការយល់ដឹងរបស់សិស្សនិស្សិតអំពីតម្លៃ និងឱកាសនៅក្នុងវិជ្ជាជីវៈគណនេយ្យ និងហិរញ្ញវត្ថុ ព្រមទាំងលើកទឹកចិត្តពួកគេឱ្យពិចារណាលើវិស័យទាំងនេះ ទុកជាមុខជំនាញសិក្សា និងការអភិវឌ្ឍអាជីពការងារនាពេលអនាគត។

កម្មវិធីនេះត្រូវបានបញ្ចប់នៅម៉ោង ១២​ និង០០នាទីថ្ងៃ​ នាថ្ងៃខែឆ្នាំដដែល ក្រោមបរិយាកាសប្រកបដោយផ្លែផ្កា និងភាពស្និទ្ធស្នាល ដោយបានផ្តល់ជូនសិស្សនិស្សិតនូវការយល់ដឹងដ៏មានតម្លៃអំពីគុណវុឌ្ឍិវិជ្ជាជីវៈគណនេយ្យ និងឱកាសអភិវឌ្ឍអាជីពការងារក្នុងវិជ្ជាជីវៈគណនេយ្យ។

នាព្រឹកថ្ងៃព្រហស្បតិ៍ថ្ងៃទី១៦ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) មានសេចក្តីសោមនស្សរីករាយក្នុងការចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន ឡូខលឡាយស៍ ថេក សូលូសិន ឯ.ក ដើម្បីពង្រឹងកិច្ចសហប្រតិបត្តិការលើ ការជំរុញការប្រើប្រាស់ប្រព័ន្ធគណនេយ្យឌីជីថល ការកសាងសមត្ថភាព និងការអភិវឌ្ឍវិជ្ជាជីវៈ គាំទ្រដល់ការធ្វើបរិវត្តន៍កម្មឌីជីថល និងការធ្វើទំនើបកម្មនៃវិជ្ជាជីវៈគណនេយ្យ និងសវនកម្មនៅកម្ពុជា។

អនុស្សរណៈនៃការយោគយល់គ្នានេះ ត្រូវបានចុះហត្ថលេខារវាង៖

• លោកស្រី សាវុធ ដាលី នាយិកាប្រតិបត្តិនៃវ.គ.ស.ក.
• លោក ទុយ ហុង នាយកគ្រប់គ្រងនៃក្រុមហ៊ុន ឡូខលឡាយស៍ ថេក សូលូសិន ឯ.ក

កិច្ចសហប្រតិបត្តិការនេះឆ្លុះបញ្ចាំងពីការប្តេជ្ញាចិត្តរួមរបស់ភាគីទាំងពីរ ក្នុងការលើកកម្ពស់ចំណេះដឹងផ្នែកគណនេយ្យឌីជីថល ការអនុវត្តប្រព័ន្ធគណនេយ្យជាក់ស្តែង ការអភិវឌ្ឍសមត្ថភាពវិជ្ជាជីវៈ និងការចែករំលែកចំណេះដឹង ដើម្បីត្រៀមខ្លួនសម្រាប់សេដ្ឋកិច្ចឌីជីថល។

ក្រោមភាពជាដៃគូនេះ ភាគីទាំងពីរនឹងសហការលើ៖

• ការរៀបចំសិក្ខាសាលា សិក្ខាសាលាតាមប្រព័ន្ធអនឡាញ និងសកម្មភាពចែករំលែកចំណេះដឹង ស្តីពីប្រព័ន្ធគណនេយ្យឌីជីថល បច្ចេកវិទ្យាគណនេយ្យ ការធ្វើបរិវត្តន៍កម្មឌីជីថល និងការអភិវឌ្ឍវិជ្ជាជីវៈ។
• ការរៀបចំកម្មវិធីបណ្តុះបណ្តាល និងសិក្ខាសាលា ស្តីពីការធ្វើឌីជីថលូបនីយកម្មគណនេយ្យ និងដំណោះស្រាយអាជីវកម្មជាក់ស្តែង។
• គំនិតផ្តួចផ្តើមស្រាវជ្រាវ និងអភិវឌ្ឍរួមគ្នា ពាក់ព័ន្ធនឹងការត្រៀមខ្លួនផ្នែកឌីជីថល និងអនាគតនៃវិជ្ជាជីវៈគណនេយ្យនៅកម្ពុជា។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះកិច្ចសហប្រតិបត្តិការជាមួយក្រុមហ៊ុន ឡូខលឡាយស៍ ថេក សូលូសិន ឯ.ក និងទន្ទឹងរង់ចាំការពង្រឹងភាពជាដៃគូរយៈពេលវែង ដើម្បីរួមចំណែកលើកកម្ពស់វិជ្ជាជីវៈគណនេយ្យ និងសវនកម្មរបស់កម្ពុជាឱ្យកាន់តែរីកចម្រើនក្នុងយុគសម័យឌីជីថល។

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក) ដោយមានការគាំទ្រពី ក្រុមហ៊ុនភីខេអេហ្វ ខូវេណិនថ៍ ឯ.ក បានរៀបចំកម្មវិធីសិក្ខាសាលាតាមប្រព័ន្ធអនឡាញ (Webinar) ស្តីពី​ “ការធ្លាក់ចុះតម្លៃនៃទ្រព្យសកម្ម និងឧបករណ៍ហិរញ្ញវត្ថុ” ប្រកបដោយជោគជ័យ កាលពីថ្ងៃសុក្រ ទី១៧ ខែកក្កដា ឆ្នាំ២០២៦ ចាប់ពីម៉ោង ៩:០០ព្រឹក ដល់ម៉ោង ១២:០០ ថ្ងៃត្រង់ តាមរយៈកម្មវិធី Zoom Meeting។​ 

កម្មវិធីសិក្ខាសាលាអនឡាញនេះមានការធ្វើបទបង្ហាញយ៉ាងស៊ីជម្រៅពីវាគ្មិន លោកស្រី Marilyn Ngu ប្រធានផ្នែកសវនកម្មនៃភីខេអេហ្វ ខូវេណិនថ៍ ឯ.ក និង កញ្ញា Puvaneswary Naidu Nyahnan ប្រធានផ្នែកសវនកម្មនៃភីខេអេហ្វ ម៉ាឡេស៊ី និងចែករំលែកការយល់ដឹងជាក់ស្តែងអំពីការអនុវត្តស្តង់ដារគណនេយ្យអន្តរជាតិ(IAS) ៣៦ ការធ្លាក់ចុះតម្លៃនៃទ្រព្យសកម្ម និងស្តង់ដាររបាយការណ៍ហិរញ្ញវត្ថុអន្តរជាតិ  (IFRS) ៩ ការខាតបង់ឥណទានរំពឹងទុក។

អំឡុងកម្មវិធីសិក្ខាសាលាអនឡាញនេះ អ្នកចូលរួមបានទទួលចំណេះដឹងដ៏មានតម្លៃដូចជា៖

·      យល់ដឹងលើគោលការណ៍សំខាន់ៗ និងការអនុវត្តជាក់ស្តែងនៃស្តង់ដារគណនេយ្យអន្តរជាតិ (IAS) ៣៦ ការធ្លាក់ចុះតម្លៃនៃទ្រព្យសកម្ម។

·      យល់ដឹងពីស្តង់ដាររបាយការណ៍ហិរញ្ញវត្ថុអន្តរជាតិ  (IFRS) ៩ ការខាតបង់ឥណទានរំពឹងទុក រួមទាំងតម្រូវការវាស់វែង និងការទទួលស្គាល់។

·      សិក្សាអំពីឧទាហរណ៍ជាក់ស្តែង ករណីសិក្សា និងសេណារីយ៉ូទូទៅ។

·      ការដោះស្រាយបញ្ហាប្រឈមជាក់ស្តែង តាមរយៈវគ្គសំណួរ និងចម្លើយ។

កម្មវិធីសិក្ខាសាលាអនឡាញនេះទទួលបានការចាប់អារម្មណ៍ពីអ្នកចូលរួមសរុបចំនួន ៥០០ នាក់ រួមមានសមាជិក វ.គ.ស.ក. អ្នកគ្រប់គ្រងហិរញ្ញវត្ថុ គណនេយ្យករ និងអ្នកត្រួតពិនិត្យហិរញ្ញវត្ថុ សវនករ នាយកផ្នែកហិរញ្ញវត្ថុ និងអ្នកគ្រប់គ្រងផ្នែកហិរញ្ញវត្ថុ អ្នកជំនាញរាយការណ៍ផ្នែកហិរញ្ញវត្ថុ និងអ្នកដែលចាប់អារម្មណ៍លើប្រធានបទនេះ។

កម្មវិធីអភិវឌ្ឍន៍វិជ្ជាជីវៈបន្តនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ វ.គ.ស.ក. ក្នុងការគាំទ្រដល់វិជ្ជាជីវៈគណនេយ្យ តាមរយៈការផ្តល់នូវការអនុវត្តជាក់ស្តែង ដើម្បីពង្រឹងចំណេះដឹងបច្ចេកទេស និងសមត្ថភាពវិជ្ជាជីវៈ ព្រមទាំងធ្វើបច្ចុប្បន្នភាពជូនដល់សមាជិកនូវរាល់ការវិវត្តថ្មីៗផ្នែកបទប្បញ្ញត្តិ និងប្រព័ន្ធឌីជីថល។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះ លោកស្រី Marilyn Ngu និង កញ្ញា Puvaneswary Naidu Nyahnan ដែលបានចែករំលែកចំណេះដឹង និងបទពិសោធន៍ដ៏មានតម្លៃ និងសូមអរគុណដល់អ្នកចូលរួមទាំងអស់សម្រាប់ការចូលរួមយ៉ាងសកម្ម ដែលធ្វើឱ្យកម្មវិធីសិក្ខាសាលាអនឡាញនេះទទួលបានលទ្ធផលយ៉ាងផ្លែផ្កា។

នាព្រឹកថ្ងៃទី១៥ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានសហការជាមួយសាកលវិទ្យាល័យ ពាណិជ្ជសាស្ដ្រ អេស៊ីលីដា រៀបចំកម្មវិធីពិព័រណ៍ការងារប្រចាំឆ្នាំ២០២៦ ស្តីពី “ការផ្សារភ្ជាប់និស្សិតទៅនឹងឱកាសការងារជាមួយក្រុមហ៊ុន” នៅសាកលវិទ្យាល័យពាណិជ្ជសាស្ត្រ អេស៊ីលីដា។ កម្មវិធីនេះប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម ប៊ូ ថារិន អគ្គនាយកនៃនិយ័តករគណនេយ្យ និងសវនកម្ម (ន.គ.ស.) និងមានការចូលរួមពីលោកស្រី សាវុធ ដាលី នាយិកាប្រតិបត្តិនៃវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) លោកបណ្ឌិត ផុន ណារិន សាកលវិទ្យាធិការនៃសាកលវិទ្យាល័យពាណិជ្ជសាស្ត្រ អេស៊ីលីដា តំណាងសមាគមន៍សហព័ន្ធភ្នាក់ងារសេវាកម្មពន្ធដារកម្ពុជា សាស្ត្រាចារ្យ និង​សិស្សនិស្សិតប្រមាណ ៤០០នាក់ ក្នុងគោលបំណងពង្រឹងទំនាក់ទំនងរវាងនិស្សិត និងក្រុមហ៊ុន លើកកម្ពស់ឱកាសការងារ និងការអភិវឌ្ឍអាជីពក្នុងវិស័យគណនេយ្យ និងសវនកម្ម។

ក្នុងកម្មវិធីនេះ និស្សិតទទួលបានការយល់ដឹងដ៏មានតម្លៃអំពីសារៈសំខាន់នៃការអភិវឌ្ឍសមត្ថភាពវិជ្ជាជីវៈ និងការត្រៀមខ្លួនសម្រាប់ទីផ្សារការងារដែលកំពុងវិវត្ត។ និស្សិតត្រូវបានលើកទឹកចិត្តឱ្យបន្តពង្រឹងចំណេះដឹង សមត្ថភាពវិជ្ជាជីវៈ និងតម្លៃសីលធម៌របស់ខ្លួនជាប្រចាំ ដើម្បីបង្កើនការត្រៀមខ្លួនសម្រាប់អាជីពការងារ។ កម្មវិធីនេះក៏មានការធ្វើបទបង្ហាញអំពីប្រព័ន្ធគាំទ្រអាជីពការងារ (CSS) ដែលជាប្រព័ន្ធតភ្ជាប់និស្សិតទៅនឹងឱកាសចុះកម្មសិក្សា និងឱកាសការងារ ដែលផ្តល់ដោយបណ្តាក្រុមហ៊ុនជាសមាជិករបស់ វ.គ.ស.ក.។ បន្ទាប់មក កម្មវិធីក៏បានរៀបចំវេទិកាពិភាក្សាក្រោមប្រធានបទ “អាជីពការងារក្នុងវិស័យគណនេយ្យ និងសវនកម្ម” ដោយមានការចូលរួមចែករំលែកបទពិសោធពីអ្នកជំនាញមកពីក្រុមហ៊ុន ខេ ភី អឹម ជ្ជី ខេមបូឌា ក្រុមហ៊ុន ឡូខលឡាយស៍ ថេក សូលូសិន និង​ក្រុមហ៊ុន យោរ ហ្គាយដីង ស្តារ អាខោនធីង ឯ.ក អំពីបទពិសោធការងារ ជំនាញដែលនិយោជកត្រូវការ និងការត្រៀមខ្លួនដើម្បីទទួលបានភាពជោគជ័យក្នុងអាជីពការងារ។ និស្សិតក៏បានចូលរួមទស្សនាស្តង់ពិព័រណ៍ការងាររបស់ក្រុមហ៊ុនជាច្រើន ផ្តល់ឱកាសដល់និស្សិតក្នុងការជួបពិភាក្សាដោយផ្ទាល់ជាមួយនិយោជក ស្វែងយល់ពីតម្រូវការទីផ្សារការងារ និងពង្រឹងបណ្តាញទំនាក់ទំនងវិជ្ជាជីវៈរបស់ខ្លួន។

ជាលទ្ធផល កម្មវិធីនេះបានរួមចំណែកយ៉ាងសំខាន់ក្នុងការផ្សារភ្ជាប់និស្សិតទៅនឹងឱកាសការងារ លើកកម្ពស់ការត្រៀមខ្លួនសម្រាប់អាជីពការងារនាពេលអនាគត ព្រមទាំងពង្រឹងកិច្ចសហការរវាងវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) សាកលវិទ្យាល័យពាណិជ្ជសាស្ត្រ អេស៊ីលីដា និងក្រុមហ៊ុនជាសមាជិកក្នុងការអភិវឌ្ឍធនធានមនុស្សប្រកបដោយគុណភាពសម្រាប់វិស័យគណនេយ្យ និងសវនកម្ម។

កម្មវិធីនេះបានបញ្ចប់នៅវេលាម៉ោង៣:០០នាទីរសៀលនាថ្ងៃខែឆ្នាំដដែល ប្រកបដោយផ្លែផ្កានិងភាពស្និទ្ធស្នាល ដោយបានផ្តល់ឱកាសដ៏មានតម្លៃសម្រាប់និស្សិត និងបណ្តាក្រុមហ៊ុនដែលបានចូលរួម ក្នុងការកសាងទំនាក់ទំនងឱ្យកាន់តែជិតស្និទ្ធ និងស្វែងរកឱកាសការងារផ្សេងៗ។

នាព្រឹកថ្ងៃទី១០ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និងសាកលវិទ្យាល័យ អាស៊ី អឺរ៉ុប បានរៀបចំវគ្គតម្រង់ទិសស្តីពី “ការយល់ដឹងអំពីកម្មវិធីសិក្សាបច្ចេកទេសគណនេយ្យ (ATQ) និងប្រព័ន្ធគាំទ្រអាជីពការងារ (CSS)” ជូនដល់គណៈគ្រប់គ្រង សាស្ត្រាចារ្យ និងនិស្សិតប្រមាណ ២០០នាក់ នៅសាកលវិទ្យាល័យ អាស៊ី អឺរ៉ុប ក្នុងរាជធានីភ្នំពេញ។ កម្មវិធីនេះប្រារព្ធឡើងក្រោមអធិបតីភាពរបស់លោកស្រី សាវុធ ដាលី នាយិកាប្រតិបត្តិនៃវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និងលោក ស៊ុន សេដ្ឋា សាកលវិទ្យាធិការនៃសាកលវិទ្យាល័យ អាស៊ី អឺរ៉ុប ដើម្បីពង្រឹងការយល់ដឹងអំពីគណនេយ្យ និងលើកកម្ពស់តម្លៃនៃការសិក្សាវិជ្ជាជីវៈគណនេយ្យ។

វគ្គតម្រង់ទិសនេះ ទទួលបានការចាប់អារម្មណ៍ និងការចូលរួមយ៉ាងសកម្មពីសំណាក់សិស្សនិស្សិត។ ក្នុងអំឡុងពេលនៃកម្មវិធីនេះ និស្សិតត្រូវបានណែនាំឱ្យយល់ដឹងអំពីកម្មវិធីសិក្សាបច្ចេកទេសគណនេយ្យ (ATQ) និងតួនាទីរបស់កម្មវិធីសិក្សានេះ ដែលជាជំហានដំបូងឆ្ពោះទៅរកការក្លាយជាគណនេយ្យករជំនាញកម្រិតខ្ពស់ (CPA) នៅប្រទេសកម្ពុជា។ លើសពីនេះ និស្សិតក៏ទទួលបាននូវការលើកទឹកចិត្តឱ្យចុះឈ្មោះចូលរួមការប្រឡង (ATQ) និងការស្វែងយល់អំពីកម្មវិធីសិក្សាលើទូរស័ព្ទដៃ (KICPAA app) ដែលជាកន្លែងផ្តល់នូវធនធានសិក្សានានា ដើម្បីគាំទ្រដល់ការសិក្សា និងការអភិវឌ្ឍវិជ្ជាជីវៈរបស់ពួកគេ។

បន្ថែមពីនេះ និស្សិតក៏ទទួលបានការយល់ដឹងអំពីប្រព័ន្ធគាំទ្រអាជីពការងារ (CSS) ដែលជាប្រព័ន្ធបច្ចេកវិទ្យាមួយត្រូវបានបង្កើតឡើងដោយ វ.គ.ស.ក. ក្នុងគោលបំណងផ្សារភ្ជាប់ទំនាក់ទំនងរវាងនិស្សិតជាសមាជិក ជាមួយបណ្តាក្រុមហ៊ុនជាសមាជិក ដើម្បីទទួលបានឱកាសចុះកម្មសិក្សា និងឱកាសការងារ។ និស្សិតត្រូវបានលើកទឹកចិត្តឱ្យបង្កើត និងបញ្ចូលប្រវត្តិរូបសង្ខេប (CV) របស់ពួកគេទៅក្នុងប្រព័ន្ធ (CSS) ដែលអនុញ្ញាតឱ្យក្រុមហ៊ុននានាអាចស្វែងរកបេក្ខជនដែលសមស្របសម្រាប់ការចុះកម្មសិក្សា និងការជ្រើសរើសបុគ្គលិកចូលបម្រើការងារ។

កម្មវិធីនេះត្រូវបានបញ្ចប់នៅម៉ោង ១១:១០ នាទីព្រឹកនាថ្ងៃខែឆ្នាំដដែល ក្រោមបរិយាកាសប្រកបដោយផ្លែផ្កា និងភាពស្និទ្ធស្នាល ដោយបានផ្តល់ជូននិស្សិតនូវការយល់ដឹងដ៏មានតម្លៃអំពីគុណវុឌ្ឍិវិជ្ជាជីវៈគណនេយ្យ និងឱកាសអភិវឌ្ឍអាជីពការងារក្នុងវិជ្ជាជីវៈគណនេយ្យ។

នាល្ងាចថ្ងៃទី៣ ខែកក្កដា ឆ្នាំ២០២៦ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង វិទ្យាស្ថានហិរញ្ញវត្ថុ និងគណនេយ្យ បានរៀបចំវគ្គតម្រង់ទិសស្តីពី “ការយល់ដឹងអំពីកម្មវិធីសិក្សាបច្ចេកទេសគណនេយ្យ (ATQ) និងប្រព័ន្ធគាំទ្រអាជីពការងារ (CSS)” នៅវិទ្យាស្ថានហិរញ្ញវត្ថុ និងគណនេយ្យ ក្នុងរាជធានីភ្នំពេញ។

វគ្គតម្រង់ទិសនេះ បានផ្តល់ជូននិស្សិតនូវការយល់ដឹងអំពីកម្មវិធីសិក្សាបច្ចេកទេសគណនេយ្យ (ATQ) និងតួនាទីសំខាន់ៗរបស់កម្មវិធីនេះ ដែលជាជំហានដំបូងឆ្ពោះទៅរកការក្លាយជាគណនេយ្យករជំនាញកម្រិតខ្ពស់ (CPA) នៅប្រទេសកម្ពុជា។ លើសពីនេះ និស្សិតក៏ទទួលបាននូវការលើកទឹកចិត្តឱ្យចុះឈ្មោះចូលរួមការប្រឡង (ATQ) និងការស្វែងយល់អំពីកម្មវិធីសិក្សាលើទូរស័ព្ទដៃ (KICPAA app) ដែលជាកន្លែងផ្តល់នូវធនធានសិក្សានានា ដើម្បីគាំទ្រដល់ការសិក្សា និងការអភិវឌ្ឍវិជ្ជាជីវៈរបស់ពួកគេ។

បន្ថែមពីនេះ និស្សិតក៏ទទួលបានការយល់ដឹងអំពីប្រព័ន្ធគាំទ្រអាជីពការងារ (CSS) ដែលជាប្រព័ន្ធបច្ចេកវិទ្យាមួយត្រូវបានបង្កើតឡើងដោយ​ វ.គ.ស.ក. ក្នុងគោលបំណងផ្សាភ្ជាប់ទំនាក់ទំនងរវាងនិស្សិតជាសមាជិក ជាមួយបណ្តាក្រុមហ៊ុនជាសមាជិក ដើម្បីទទួលបានឱកាសចុះកម្មសិក្សា និងឱកាសការងារ។ និស្សិតត្រូវបានលើកទឹកចិត្តឱ្យបង្កើត និងបញ្ចូលប្រវត្តិរូបសង្ខេប (CV) របស់ពួកគេទៅក្នុងប្រព័ន្ធ (CSS) ដែលអនុញ្ញាតឱ្យក្រុមហ៊ុននានាអាចស្វែងរកបេក្ខជនដែលសមស្របសម្រាប់ការចុះកម្មសិក្សា និងការជ្រើសរើសបុគ្គលិកចូលបម្រើការងារ។

កម្មវិធីនេះត្រូវបានបញ្ចប់នៅម៉ោង ២០:២០ នាទីល្ងាចនាថ្ងៃខែឆ្នាំដដែល ក្រោមបរិយាកាសប្រកបដោយផ្លែផ្កា និងភាពស្និទ្ធស្នាល ដោយបានផ្តល់ជូននិស្សិតនូវការយល់ដឹងដ៏មានតម្លៃអំពីគុណវុឌ្ឍិវិជ្ជាជីវៈគណនេយ្យ និងឱកាសអភិវឌ្ឍអាជីពការងារក្នុងវិជ្ជាជីវៈគណនេយ្យ។

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក) ក្រោមកិច្ចសហប្រតិបត្តិការជាមួយ និយ័តករមូលបត្រកម្ពុជា (ន.ម.ក.) បានរៀបចំសិក្ខាសាលាតាមប្រព័ន្ធអនឡាញ (Webinar) ស្តីពី​ “របាយការណ៍ចីរភាព” ប្រកបដោយជោគជ័យ នាថ្ងៃសុុក្រ ទី៣ ខែកក្កដា ឆ្នាំ២០២៦ ចាប់ពីម៉ោង ៩:៣០ ដល់ម៉ោង ១១:០០ ព្រឹក តាមរយៈកម្មវិធី Zoom Meeting។​ 

សិក្ខាសាលានេះមានការធ្វើបទបង្ហាញយ៉ាងស៊ីជម្រៅពីវាគ្មិនកិត្តិយស លោកស្រី ហាក់ គន្ធា ប្រធានការិយាល័យគ្រប់គ្រងព័ត៌មានសារជីវកម្ម នៃនិយ័តករមូលបត្រ។ លោកស្រីបានចែករំលែកចំណេះដឹងដ៏មានតម្លៃពាក់ព័ន្ធនឹងការបង្ហាញព័ត៌មានចីរភាពក្នុងវិស័យមូលមត្រនៅកម្ពុជា។

អំឡុងសិក្ខាសាលានេះ អ្នកចូលរួមបានទទួលចំណេះដឹងដូចជា៖

·      ការយល់ដឹងពីស្តង់ដានៃការបង្ហាញព័ត៌មានចីរភាពក្នុងតំបន់ និងសកល​ដូចជា GRI, TCFD និង ISSB

·      ការយល់ដឹងពីបទប្បញ្ញត្តិទាក់ទងនឹងការបង្ហាញព័ត៌មានចីរភាពសម្រាប់វិស័យមូលបត្រនៅក្នុងព្រះរាជាណាចក្រកម្ពុជា

·      ការយល់ដឹងពីរបៀបនៃការរៀបចំរបាយការណ៍ចីរភាពស្របតាមបទប្បញ្ញតិ្តជាធរមាន

·      ការឆ្លើយតបកត្តាប្រឈមជាក់ស្តែងតាមរយៈវគ្គសំណួរ និងចម្លើយ

កម្មវិធីសិក្ខាសាលានេះទទួលបានការចាប់អារម្មណ៍ពីអ្នកចូលរួមសរុបចំនួន ៣៧៥ នាក់ រួមមានសមាជិកនៃ វ.គ.ស.ក., ក្រុមហ៊ុនសក្តានុពលដែលមានបំណងបោះផ្សាយលក់មូលបត្រ ក្រុមហ៊ុនបោះផ្សាយ និងបុគ្គលចុះបញ្ជីលក់មូលបត្រ, នាយកប្រតិបត្តិក្រុមហ៊ុន (នាយកប្រតិបត្តិ នាយកហិរញ្ញវត្ថុ យុទ្ធសាស្ត្រ ហានិភ័យ ការអនុលោមតាមច្បាប់), បុគ្គលិកផ្នែកនិរន្តរភាព/ESG, ក្រុមហ៊ុនមូលបត្រ, វិនិយោគិនស្ថាប័ន, សវនករ អ្នកប្រឹក្សា និងទីប្រឹក្សាផ្នែកច្បាប់, ដៃគូអភិវឌ្ឍន៍ និងអង្គការមិនមែនរដ្ឋាភិបាលដែលធ្វើការលើនិរន្តរភាព។

កម្មវិធីអភិវឌ្ឍន៍វិជ្ជាជីវៈបន្តនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ វ.គ.ស.ក. ក្នុងការគាំទ្រដល់វិជ្ជាជីវៈគណនេយ្យ តាមរយៈការផ្តល់នូវការអនុវត្តជាក់ស្តែង ដើម្បីពង្រឹងចំណេះដឹងបច្ចេកទេស និងសមត្ថភាពវិជ្ជាជីវៈ ព្រមទាំងធ្វើបច្ចុប្បន្នភាពជូនដល់សមាជិកនូវរាល់ការវិវត្តថ្មីៗផ្នែកបទប្បញ្ញត្តិ និងប្រព័ន្ធឌីជីថល។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះ លោកស្រី ហាក់ គន្ធា ដែលបានចែករំលែកចំណេះដឹង និងបទពិសោធន៍ដ៏មានតម្លៃ និងសូមអរគុណដល់អ្នកចូលរួមទាំងអស់សម្រាប់ការចូលរួមយ៉ាងសកម្ម ដែលធ្វើឱ្យកម្មវិធីសិក្ខាសាលានេះទទួលបានលទ្ធផលយ៉ាងផ្លែផ្កា។

នាព្រឹកថ្ងៃទី២៦ ខែមិថុនា ឆ្នាំ២០២៦ លោកស្រី សាវុធ ដាលី នាយិកាប្រតិបត្តិ នៃវិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) បានអញ្ជើញចូលរួមក្នុងសិក្ខាសាលាស្តីអំពី “សារៈសំខាន់គណនេយ្យក្នុងសេដ្ឋកិច្ច និងទំនាក់ទំនងរវាងគណនេយ្យ និងសវនកម្ម” នៅសាកលវិទ្យាល័យ វ៉ាន់ដា។ កម្មវិធីនេះប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ហេង វ៉ាន់ដា ប្រធានក្រុមប្រឹក្សាភិបាលនៃសាកលវិទ្យាល័យ វ៉ាន់ដា ដើម្បីពង្រឹងការយល់ដឹងអំពីវិស័យគណនេយ្យ និងសវនកម្ម ជំរុញទឹកចិត្តនិស្សិត លើកកម្ពស់តម្លៃនៃការសិក្សាវិជ្ជាជីវៈ និងបង្ហាញពីអត្ថប្រយោជន៍នៃការរៀនសូត្រពីអ្នកជំនាញដែលមានបទពិសោធជាក់ស្តែង។

ក្នុងឱកាសនោះ លោកស្រី សាវុធ ដាលី បានផ្តល់កិត្តិយសថ្លែងសុន្ទរកថាចំណាប់អារម្មណ៍ ដោយបានលើកទឹកចិត្តឱ្យនិស្សិតទាំងអស់ ខិតខំអភិវឌ្ឍសមត្ថភាពវិជ្ជាជីវៈរបស់ខ្លួន ដើម្បីត្រៀមខ្លួនសម្រាប់អាជីពការងារក្នុងវិស័យ គណនេយ្យ និងសវនកម្មនាពេលអនាគត។ ជាកិច្ចបន្ទាប់ ឯកឧត្តម បណ្ឌិត ហេង វ៉ាន់ដា ក៏បានថ្លែងសុន្ទរកថាស្វាគមន៍យ៉ាងកក់ក្តៅ ទៅលើកិច្ចសហការរវាង​ វ.គ.ស.ក. និងសាកលវិទ្យាល័យ វ៉ាន់ដា ក្នុងការពង្រឹងគុណភាពធនធានមនុស្សស្របតាមស្តង់ដាវិជ្ជាជីវៈ។

នៅក្នុងកម្មវិធីដដែលនេះ ក៏មានការធ្វើបទបង្ហាញ និងចែករំលែកបទពិសោធដោយលោកស្រី ស៊ុន គីមហ៊ីន នាយិកាសេវាកម្មគណនេយ្យនៃក្រុមហ៊ុន អេហ្វអាយអាយ &អឹសូស៊ីអេត លើប្រធានបទ “ទំនាក់ទំនងរវាងគណនេយ្យ និងសវនកម្ម”។ ការធ្វើបទបង្ហាញនេះ បានផ្តល់នូវទស្សនទានអនុវត្តជាក់ស្តែង និងបទពិសោធដ៏មានតម្លៃ ដែលជាការបំផុសគំនិត និងជួយឱ្យនិស្សិតអាចយល់ដឹងកាន់តែច្បាស់អំពីទំនាក់ទំនងស៊ីជម្រៅរវាងជំនាញទាំងពីរ ព្រមទាំងការត្រៀមខ្លួនសម្រាប់ការចាប់ផ្តើមអាជីពរបស់ខ្លួន។ បន្ថែមពីលើនេះ លោក ជា ធួន នាយកប្រតិបត្តិរងនៃ វ.គ.ស.ក. បានធ្វើបទបង្ហាញណែនាំអំពី វ.គ.ស.ក. និងកម្មវិធីសិក្សាវិជ្ជាជីវៈនានា រួមមានកម្មវិធីសិក្សាបច្ចេកទេសគណនេយ្យ (ATQ) និងផ្លូវឆ្ពោះទៅកាន់កម្មវិធីសិក្សាគណនេយ្យករជំនាញកម្ពុជា (CPA)។ លោកក៏បានចែករំលែកទស្សនទានដ៏មានតម្លៃលើប្រធានបទ “សារៈសំខាន់នៃគណនេយ្យក្នុងអាជីវកម្ម និងការអភិវឌ្ឍសេដ្ឋកិច្ចរបស់កម្ពុជា ឱកាសការងារ និងតម្រូវការវិជ្ជាជីវៈនាពេលអនាគត” ដោយបានសង្កត់ធ្ងន់លើតួនាទីដ៏សំខាន់នៃវិជ្ជាជីវៈគណនេយ្យ ក្នុងការជំរុញកំណើនអាជីវកម្ម ការរួមចំណែកដល់ការអភិវឌ្ឍសេដ្ឋកិច្ចរបស់កម្ពុជា ព្រមទាំងការឆ្លើយតបទៅនឹងតម្រូវការដែលកំពុងកើនឡើងនៃអ្នកជំនាញគណនេយ្យប្រកបដោយសមត្ថភាព និងលក្ខណៈសម្បត្តិគ្រប់គ្រាន់។

ជាលទ្ធផល កម្មវិធីនេះបានផ្តល់ចំណេះដឹងដ៏មានតម្លៃដល់និស្សិតអំពីការស្វែងយល់ពីទំនាក់ទំនងរវាងគណនេយ្យ និងសវនកម្ម ព្រមទាំងជំនាញចាំបាច់នានា ដែលទទួលបានការណែនាំដោយផ្ទាល់ពីអ្នកជំនាញមានបទពិសោធ។ កម្មវិធីនេះក៏បានជួយពង្រឹងទំនាក់ទំនងរវាងនិស្សិត និងឱកាសការងារ ដែលជួយលើកទឹកចិត្តឱ្យនិស្សិតបន្តការសិក្សា និងការត្រៀមខ្លួនយ៉ាងមានប្រសិទ្ធភាពសម្រាប់ការចាប់យកឱកាសការងារក្នុងវិស័យគណនេយ្យ និងសវនកម្ម។

កម្មវិធីនេះទទួលបានការចូលរួមយ៉ាងច្រើនពីសំណាក់ថ្នាក់ដឹកនាំ សាស្ត្រាចារ្យ និងនិស្សិត ហើយបានបញ្ចប់ទៅដោយជោគជ័យ ប្រកបដោយភាពស្និទ្ធស្នាល ជាមួយនឹងការថតរូបអនុស្សាវរីយ៍រួមគ្នា នៅវេលាម៉ោង ១១:៤៥ នាទីព្រឹកនាថ្ងៃខែឆ្នាំដដែល។

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក) ក្រោមកិច្ចសហប្រតិបត្តិការជាមួយ និយ័តករមូលបត្រកម្ពុជា (ន.ម.ក.) បានរៀបចំសិក្ខាសាលាតាមប្រព័ន្ធអនឡាញ (Webinar) ស្តីពី​ “អភិបាលកិច្ចសាជីវកម្ម” ប្រកបដោយជោគជ័យ នាថ្ងៃសុក្រ ទី២៦ ខែមិថុនា ឆ្នាំ២០២៦ ចាប់ពីម៉ោង ៩:៣០ ដល់ម៉ោង ១១:០០ ព្រឹក តាមរយៈកម្មវិធី Zoom Meeting។​ 

សិក្ខាសាលានេះមានការធ្វើបទបង្ហាញយ៉ាងស៊ីជម្រៅពីវាគ្មិនកិត្តិយស លោកស្រី ប៉ុន ពេជ្រនារី ប្រធានការិយាល័យអភិបាលសាជីវកម្ម នៃនិយ័តករមូលបត្រកម្ពុជា។ លោកស្រីបានចែករំលែកចំណេះដឹងដ៏មានតម្លៃពាក់ព័ន្ធនឹងគោលការណ៍អភិបាលកិច្ច ក្របខណ្ឌបទប្បញ្ញត្តិ និងតម្រូវការអនុលោមភាពដែលអនុវត្តចំពោះក្រុមហ៊ុនចុះបញ្ជីលក់មូលបត្រ។

អំឡុងសិក្ខាសាលានេះ អ្នកចូលរួមបានទទួលចំណេះដឹងដូចជា៖

·      យល់ដឹងអំពីសារៈសំខាន់នៃអភិបាលកិច្ចសាជីវកម្មសម្រាប់ក្រុមហ៊ុនចុះបញ្ជីលក់មូលបត្រ

·      យល់ដឹងអំពីតួនាទី និងការទទួលខុសត្រូវរបស់ក្រុមប្រឹក្សាភិបាល គណៈគ្រប់គ្រង ភាគហ៊ុនិក និងសវនករ

·      យល់ដឹងអំពីតម្រូវការបទប្បញ្ញត្តិ និងការអនុលោមតាមច្បាប់ ដែលអនុវត្តចំពោះក្រុមហ៊ុនចុះបញ្ជីលក់មូលបត្រ

·      ការឆ្លើយតបកត្តាប្រឈមជាក់ស្តែងតាមរយៈវគ្គសំណួរ និងចម្លើយ

កម្មវិធីសិក្ខាសាលានេះទទួលបានការចាប់អារម្មណ៍ពីអ្នកចូលរួមសរុបចំនួន ៣៣៦ នាក់ រួមមានសមាជិកនៃ វ.គ.ស.ក. សមាជិកក្រុមប្រឹក្សាភិបាល និងនាយកក្រុមហ៊ុនចុះបញ្ជីលក់មូលបត្រ គណៈគ្រប់គ្រង និងអ្នកដឹកនាំអង្គភាព ភាគហ៊ុនិក និងវិនិយោគិន សវនករ គណនេយ្យករ អ្នកជំនាញផ្នែកអនុលោមតាមច្បាប់ សិស្សនិស្សិត និងសាធារណជនដែលមានចំណាប់អារម្មណ៍លើអភិបាលកិច្ចសាជីវកម្ម និងបទប្បញ្ញត្តិពាក់ព័ន្ធ។

កម្មវិធីអភិវឌ្ឍន៍វិជ្ជាជីវៈបន្តនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ វ.គ.ស.ក. ក្នុងការគាំទ្រដល់វិជ្ជាជីវៈគណនេយ្យ តាមរយៈការផ្តល់នូវការអនុវត្តជាក់ស្តែង ដើម្បីពង្រឹងចំណេះដឹងបច្ចេកទេស និងសមត្ថភាពវិជ្ជាជីវៈ ព្រមទាំងធ្វើបច្ចុប្បន្នភាពជូនដល់សមាជិកនូវរាល់ការវិវត្តថ្មីៗផ្នែកបទប្បញ្ញត្តិ និងប្រព័ន្ធឌីជីថល។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះ លោកស្រី ប៉ុន ពេជ្រនារី ដែលបានចែករំលែកចំណេះដឹង និងបទពិសោធន៍ដ៏មានតម្លៃ និងសូមអរគុណដល់អ្នកចូលរួមទាំងអស់សម្រាប់ការចូលរួមយ៉ាងសកម្ម ដែលធ្វើឱ្យកម្មវិធីសិក្ខាសាលានេះទទួលបានលទ្ធផលយ៉ាងផ្លែផ្កា។

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក) ដោយមានការគាំទ្រពីក្រុមហ៊ុន អេហ្វអាយអាយ &អឹសូស៊ីអេត បានរៀបចំកម្មវិធីសិក្ខាសាលាតាមប្រព័ន្ធអនឡាញ (Webinar) ស្តីពី “ការចែករំលែកបទពិសោធន៍​​ ស្តីពីបញ្ហា​ទូទៅនៃរបាយការណ៍ហិរញ្ញវត្ថុរបស់សហគ្រាសធុនតូច និងមធ្យម” ប្រកបដោយជោគជ័យ កាលពីថ្ងៃអង្គារ ទី២៣ ខែមិថុនា ឆ្នាំ២០២៦ ចាប់ពីម៉ោង ៩:០០ ដល់ម៉ោង ១២:០០ ថ្ងៃត្រង់ តាមរយៈកម្មវិធី Zoom Meeting។​ 

កម្មវិធីសិក្ខាសាលានេះមានការធ្វើបទបង្ហាញយ៉ាងស៊ីជម្រៅពីវាគ្មិនកិត្តិយស លោកស្រី ស៊ុន គីមហ៊ីន នាយិកា សេវាកម្មគណនេយ្យនៃ អេហ្វអាយអាយ &អឹសូស៊ីអេត ដែលលោកស្រីបានចែករំលែកចំណេះដឹងលើ៖

·      សារៈសំខាន់នៃរបាយការណ៍ហិរញ្ញវត្ថុ

·      បញ្ហាទូទៅនៃរបាយការណ៍ហិរញ្ញវត្ថុរបស់សហគ្រាសធុនតូច និងមធ្យម

·      អនុលោមភាពគណនេយ្យជាមួយអាជ្ញាធរមានសមត្ថកិច្ច

·      ទោសទណ្ឌអំពីការបំពានបទប្បញ្ញត្តិ

កម្មវិធីសិក្ខាសាលានេះទទួលបានការចាប់អារម្មណ៍ពីអ្នកចូលរួមសរុបចំនួន ៥២៤ នាក់ រួមមានសមាជិកនៃ វ.គ.ស.ក. អ្នកគ្រប់គ្រងផ្នែកហិរញ្ញវត្ថុ អ្នកគ្រប់គ្រងផ្នែកគណនេយ្យករ គណនេយ្យករ និងបុគ្គលិកផ្នែកគណនេយ្យ មន្ត្រីហិរញ្ញវត្ថុ និងបុគ្គលិកផ្នែកហិរញ្ញវត្ថុ សវនករផ្ទៃក្នុង អ្នកជំនាញផ្នែកពន្ធដារ និងការអនុលោមភាព ម្ចាស់សហគ្រាសធុនតូច និងមធ្យម និងអ្នកគ្រប់គ្រងអាជីវកម្ម និងបុគ្គលដែលមានតួនាទីទទួលខុសត្រូវក្នុងការរៀបចំ ឬពិនិត្យនូវរបាយការណ៍ហិរញ្ញវត្ថុ

កម្មវិធីអភិវឌ្ឍន៍វិជ្ជាជីវៈបន្តនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ វ.គ.ស.ក. ក្នុងការគាំទ្រដល់វិជ្ជាជីវៈគណនេយ្យនិងសវនកម្ម តាមរយៈការផ្តល់នូវការអនុវត្តជាក់ស្តែង ដើម្បីពង្រឹងចំណេះដឹងបច្ចេកទេស និងសមត្ថភាពវិជ្ជាជីវៈ ព្រមទាំងធ្វើបច្ចុប្បន្នភាពជូនដល់សមាជិកនូវរាល់ការវិវត្តថ្មីនៃប្រព័ន្ធឌីជីថល។

វ.គ.ស.ក. សូមថ្លែងអំណរគុណយ៉ាងជ្រាលជ្រៅចំពោះ លោកស្រី ស៊ុន គីមហ៊ីន ដែលបានចែករំលែកចំណេះដឹង និងបទពិសោធន៍ដ៏មានតម្លៃ និងសូមអរគុណដល់អ្នកចូលរួមទាំងអស់សម្រាប់ការចូលរួមយ៉ាងសកម្មដែលធ្វើឱ្យកម្មវិធីសិក្ខាសាលានេះទទួលបានលទ្ធផលយ៉ាងផ្លែផ្កា។